Ana e errët e teknologjisë, imazhet abuzive të fëmijëve në internet u dhjetëfishuan gjatë pandemisë - Business Magazine Albania

Ana e errët e teknologjisë, imazhet abuzive të fëmijëve në internet u dhjetëfishuan gjatë pandemisë

Mbyllja për shkak të pandemisë solli një rritje të dhjetëfishuar të imazheve me përmbajtje seksuale të fëmijëve. Imazhet e fëmijëve të vegjël që kryejnë akte seksuale në kamera janë rritur më shumë se dhjetëfish që nga bllokimet e pandemisë, sugjerojnë të dhënat e reja. Shpesh kjo ndodh kur fëmijët janë në dhomën e tyre, aty ku mendohet se janë duke luajtur, ndërsa prindërit as nuk e kanë idenë e asaj që po ndodh me ta.

Sipas një shkrimi të publikuar në BBC, Internet Watch Foundation (IWF) thotë se të dhënat e tij nxjerrin në pah sesi grabitqarët përfituan nga situata.

Mediat sociale patën popullaritet të gjerë në fillim të vitit 2020 kur filloi pandemia. Vitin e kaluar IWF regjistroi më shumë se 63,000 faqe në internet që shfaqnin materiale krahasuar me 5,000 para pandemisë.

“Gjatë pandemisë, interneti ishte një mjet shpëtimi, por ne vetëm tani po i shikojmë të gjitha efektet e tij “, tha shefja ekzekutive e IWF, Susie Hargreaves.

“Ajo që është e qartë për ne, është se fëmijët e vegjël po tërhiqen në situata abuzive nga ‘grabitqarë’, dhe kjo shpesh ndodh ndërsa ata janë në dhomat e tyre të gjumit”, shtoi ajo.

Në përgjithësi, IWF gjurmon, heton dhe përpiqet të heqë qindra mijëra materiale të abuzimit seksual të fëmijëve nga interneti në mbarë botën. Sipas organizatës, imazhet abuzive të krijuara nga fëmijët, po kapen më shumë tani, sepse kjo gjë po ndodh më shpesh dhe rastet janë më të shumta, ndërsa raportimet kanë mbetur relativisht njësoj.

Imazhet me përmbajtje seksuale të fëmijëve tashmë përmbajnë dy të tretat e imazheve të hetuara nga analistët.

Lexo: Sejko: Emigracioni, ndër sfida kryesore të Shqipërisë

Ata thonë se shpesh këto video janë bërë në një lidhje me video në internet e janë filmuar pa dijeninë e fëmijëve nga pedofilë të cilët më pas i kanë shpërndarë dhe shitur këto imazhe.

Në shumicën e videove të gjetura nga IWF, fëmijët kanë qenë afërsisht të moshës 7 deri në 10 vjeç.

Në një prej tyre, shfaqej një vajzë 9 vjeçe, e cila instruktohej nga një i rritur në një nga platformat në internet të kryente akte seksuale ndërkohë që ajo ishte në dhomën e saj dhe e rrethuar nga lodrat. Vajza më pas është thirrur nga një anëtar i familjes, që nuk e kishte idenë e asaj që po ndodhte, i cili e thërret që të shkojë te vëllai i vogël.

Qendra Kombëtare e Shteteve të Bashkuara për Fëmijët e Zhdukur dhe të Shfrytëzuar nuk kishte shifra për vitin 2022, por raportoi një rritje të materialeve të abuzimit seksual të fëmijëve në vitin 2021. CyberTipline i bamirësisë mori 29.4 milionë raportime, nga 21.7 milionë në 2020.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0