Alibaba shet rreth 23 miliardë dollarë mallra për vetëm 9 orë
Përditësuar së fundmi: 11/11/2019

Alibaba ‘pushton’ shitjet në internet. Për 9 orë shet rreth 23 miliardë dollarë mallra

Share
nga Eridon Elshani
Nën 11, 2019
-Manages Business Mag Kosovo
lexo me teper >

Gjiganti kinez i tregtisë në internet Alibaba, ka njoftuar se në nëntë orët e para të ditës së hënë ka shitur mallra në vlerë 22.63 miliardë dollarë, duke u rritur kështu me 25% krahasuar me vitin e kaluar.

Black Friday, Cyber Monday dhe “Dita e Beqarëve“, që nga viti 2009 në Shtetet e Bashkuara të Amerikës janë promovuar si ditët e zbritjeve, por janë rritur shpejt, duke u bërë ngjarjet më të mëdha në botë për shitjet online.

“Dita e Beqarëve” e njohur edhe si Double Eleven, ka origjinën nga data kalendarike 11 nëntor.

Lexoni gjithashtu:

Kur fillojnë shitjet e Black Friday?

Vitin e kaluar, Alibaba në “Ditën e Beqarëve”, arriti të shesë 30 miliardë dollarë mallra, duke e tejkaluar edhe Cyber Monday, ditë në të cilën janë shitur 7.9 milionë dollarë mallra.

Kompania hulumtuese Citic Securities, parashikon që shitjet e kësaj dite do të rriten për 20 deri 25%.

Alibaba-s iu deshën vetëm 1 minutë e 8 sekonda që të arrijë vlerën e shitjeve prej 1 miliard dollarësh.

Kompania njofton se pret që mbi 500 milionë përdorues të marrin pjesë në këtë ditë, apo rreth 100 milionë më shumë se vitin e kaluar.

Reuters