Kur një i dëmtuar nga aksidenti ka marrëveshje me kompaninë e sigurimeve për shumën që duhet t’i kompensohet, pagesa duhet të kryhet brenda 15 ditësh. Kjo procedurë ndiqet edhe për dëmet e shkaktuara nga sigurimi i banesës/apartamentit/ pronës apo dhe biznesve të tjera. Por, ka dhe dëme që për shkak të mosmarrëveshjeve nga njëra palë përfundojnë për zgjidhje në gjykatë. Atje procedohen rastet kur pala e dëmtuar nuk e pranon ofertën e Shoqërisë së Sigurimit për kompensim të dëmit.
Sipas Autoritetit të Mbikëqyrjes Financiare, në gjykata janë 895 raste me probleme kompensimi të dëmit. Vlera e tyre shkon në gati 1.4 milionë lekë. Në pamje të parë, kjo shifër tregon se janë rritur pagesat e Shoqërive të Sigurimeve për dëmet e shkaktuara për këtë periudhë, por nga ekspertë të sigurimeve mësohet se në fakt, bëhet fjalë për dëme që u përkasin periudhave të mëparshme, për detyrime të “importuara”, për dëme që shoqëritë duhet t’i kishin paguar në kohën e duhur, por për shkaqe të ndryshme, duhet te paguhen gjatë kësaj periudhe. Zgjidhja e rasteve të dëmeve nga vetë shoqëritë është treguesi kryesor që jep ecurinë dhe zhvillimin e indrustrisë së sigurimeve në vendin tonë kundrejt shërbimit ndaj klientëve.
Në statistikat e Autoritetit të Mbikëqyrjes Financiare, paraqitet radhitja e shoqërive të sigurimeve, të fokusuara më së shumti tek mënyra e trajtimit të dëmeve, duke e finalizuar më pas me dëmshpërblimet. Nga publikimi i fundit i Raportit Statistikor – Financiar të tremujorit të tretë 2019 për Shoqëritë e Sigurimit, disa shoqëri sigurimi e kanë ulur ndjeshëm numrin e dëmeve në gjykatë. Albsig, rezulton me numrin më të vogël të dëmeve në proces gjyqësor aktive deri në fund të muajit nëntor, që përkon me vlerën më t♪7 ulët. 35 raste me vlerë 24, 783 lekë. Kompania vlerësohet të zgjidhë çështjet e dëmshpërblimeve në mënyrë të menjëhershme. Ndaj, statistikat tregojnë se një pjesë shumë e vogël shkon për t’u zgjidhur në gjykatë.
Edhe për dëmet pezull, Albsig mban nivelin më të ulët. Përfaqësuesit e kompanisë tregojnë se procedurat e ndjekura nga shoqëria, janë transparente dhe favorizojnë klientin. Ky tregues është shumë i rëndësishëm për shoqërinë, pasi tregon që dëmet trajtohen dhe paguhen në kohë rekord kundrejt klientëve, fakt ky që jepet qartë edhe nga treguesit statistikorë. Edhe pse aktualisht ALBSIG renditet në 2 shoqëritë e para në tregun e sigurimeve jo- jetë, shërbimet ndaj klientëve tregojnë se ALBSIG është i pari në pagesat e dëmeve dhe i fundit ne numrin e dëmeve pezull.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
