Albanik, një fermë për t’u bërë njësh me natyrën  - Business Magazine Albania

Albanik, një fermë për t’u bërë njësh me natyrën 

Albanik

Një pikë takimi me veten mund të quhet ferma Albanik. Në mes të natyrës së larmishme dhe ushqimit të zonës, vizitorët në këtë fermë kanë hapësirën dhe mundësinë për t’u bërë njësh me natyrën, për të medituar dhe për të dëgjuar zërin e tyre të brendshëm.

Ferma Albanik është një sipërmarrje rurale, agro dhe eko-turistike, që po drejtohet nga Elona Bejo, e apasionuar me natyrën. Klientët e saj janë po me të njëjtin pasion e filozofi për jetën. Ferma ndodhet 17 km larg qytetit të Këlcyrës, në thellësi të luginës së Deshnicës. Prej vitit 2016, kur u hodhën themelet e saj, ferma vazhdon të rritet me shërbime të reja dhe produkte artizanale, kulinare e tradicionale të zonës, produkte të cilat janë mbledhur e përzgjedhur me kujdes, si fillim në një bio-boutique brenda fermës dhe tani janë gati të eksplorojnë tregun e gjerë nëpërmjet shitjeve online. Aktivitetet kryesore që ofrohen për vizitorët e Fermës Albanik janë të lidhura ngushtë me natyrën. 

Artikulli u publikua më parë në faqen 52  të numrit 26 të revistës Business Magazine Albania. Ju mund të Siguroni këtu nr. 26 të saj.

Ecje, çiklizëm malor, peshkim, kanotazh, kamping në natyrë, mbledhje dhe njohje e bimëve të egra medicinale dhe aromatike, kopshtari, etj. 

Vizitorët e fermës janë kryesisht amatorë të natyrës dhe me një ndjeshmëri të lartë për mbrojtjen e saj. Ata i tërheq i gjithë koncepti dhe filozofia mbi të cilën mbështetet aktiviteti i fermës, kuzhina e parimit Slow-Food, por edhe pozicioni i zgjedhur dhe materialet e përdorura në ndërtimin e godinës së saj. E ndodhur në mes të një pylli lisash, ferma është e ndërtuar me materiale tradicionale, natyrale dhe ekologjike si druri dhe guri. Efiçenca energjitike e godinës është shumë e lartë në sajë të përdorimit të materialeve izoluese natyrale dhe përdorimit të gjeotermisë. Hapjet e dritareve në jug sigurojnë dritë natyrale në ambjentet e brendshme dhe e gjithë atmosfera është e ngrohtë dhe familjare. 

Lexo: BBC: Bimët shqiptare që na mbajnë të rinj

Synimi i Fermës Albanik për të ardhmen është rritja e bashkëpunimit të ngushtë me banorët e zonës, të cilët herë e furnizojnë atë me lëndën e parë, herë punojnë si udhërrëfyes për turistët, herë hapin dyert për të pritur vizitorë, etj. Kjo do të rrisë kapacitetet dhe shërbimin në fermë, por edhe të ardhurat në familjet fshatare. Gjithashtu, ky bashkëpunim do sjellë edhe një edukim rreth turizmit, por do hapë edhe prespektiva të reja ekonomike për zhvillimin e Luginës. Gradualisht dhe të gjithë së bashku po punojmë për ta shndërruar Luginën e mrekullueshme të Deshnicës në një destinacion të padiskutueshëm të turizmit rural, turizmit të natyrës, të aventurës dhe atij kulinar e folklorik. 

Elona Bejo thotë se,“Pandemia, pavarsisht se ka sjellë probleme financiare për Fermën, nuk na ka penguar të punojmë dhe ëndërrojmë për të ardhmen. Ne besojmë fort se turizmi, e veçanërisht lloji i turizmit që promovojmë, është e ardhmja për Shqipërinë, por edhe zgjidhja e duhur e me më pak efekte anësore e rritjes së qëndrueshme ekonomike.”

Fermën Albanik e drejton një grua dhe bashkëpunëtoret e saj më të ngushta janë përsëri gra, duke sjellë një risi në këtë drejtim, por edhe duke ndihmuar në fuqizimin e rolit të gruas në të gjithë zonën përreth fermës.

Artikulli u publikua më parë në faqen 52  të numrit 26 të revistës Business Magazine AlbaniaBusiness Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Siguroni këtu nr. 26 të saj.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0