”Albanian ICT Awards”, e ftuar në emisionin “Opinion” në Klan TV


“Shpikës Made in Albania” ishte tema e diskutimeve në një mbrëmje të pazakontë për një ndër emisionet më të ndjekura nga shqiptarët, Opinion në televizionin Klan, dedikuar edicionit të katërt të Albanian ICT Awards.

Mbrëmjen e së mërkurës Opinion foli i gjithi për potencialin e trevave shqipfolëse në sektorin ICT dhe nismën Albanian ICT Awards e cila në datën e 29 Prill finalizoi një tjetër edicion të suksesshëm mes suprizave dhe emocioneve të shumta.
Prof. Shkёlzen Cakaj fitues i ICT Hulumtuesi i Vitit, Prof. Ilir Çapuni – anëtar i jurisë së Albanian ICT Awards, Enkelejd Zotaj – përgjegjës për IT në Raiffeisen Bank, Hadie Hajdini – koordinatore e Albanian ICT Awards, Ardian Alaj – koordinator i Albanian ICT Awards, Florian Piraj – inxhnier pranë Formon, Genti Selenica – fitues i ICT Mobiliteti i Vitit dhe Leutrim Berisha – hakeri i bardhë i cili u shpërblye me një mirënjohje nga ICT Awards ishin të ftuarit e Blendi Fevziut në emisionin e radhës.

Albanian-ICT-Awards-e-ftuar-në-emisionin-Opinion-në-Klan-TV-businessmag

Lidhur me atë çfarë është ICT Awards dhe sesi filloi, emisioni Opinion i referohej si “eventi më i rëndësishëm në sektorin e teknologjisë së informacionit në Shqipëri duke nxitur një ekosistem të shëndoshtë, i cili ka filluar të prodhojë sukseset e para si investimi në Gjirafa.com dhe Evis Hoxha e cila u shpall një prej 20 femrave fituese të bursës Google Anita Borg.

Përgjatë 60 minutave të Opinion u fol për projektet fituese të edicionit të katërt në shtatë kategoritë e Albanian ICT Awards, secili prej tyre me suksesin e vet të pakontestueshëm. Leutrim Berisha, 22-vjeçari nga Kosova foli për eksperiencën e tij në zbulimin e dobësive të faqeve të internetit si ajo e Pentagonit dhe krenarinë e të qenurit haker i bardhë. Ilir Çapuni dhe Enkelejd Zotaj detajuan projektet fituese të ICT Diploma e Vitit fituar nga Evio Abazi, ICT Femra e Vitit fituar nga Erisa Terolli dhe ICT Ylli në Ngritje fituar nga Bleart Këpuska, ndërsa Genti Selenica foli për eksperiencën e tij me ‘Baboon’ në cilësinë e themeluesit.

Albanian-ICT-Awards-e-ftuar-në-emisionin-Opinion-në-Klan-TV-businessmag

15-35 vjeç ishin moshat e kandidatëve të Albanian ICT Awards citoi Hadie Hajdini. Në mungesë të Rron Cenës – fitues i ICT Inovacioni i Vitit, Florian Piraj, inxhinier pranë ‘Formon’ tregoi për Fevziun jo vetëm suksesin, por avantazhet e printerave 3D.
Në një pyetje drejtuar Prof. Shkёlzen Cakaj nga Fevziu lidhur me sfidën e të qenurit pjesë në një konkurs të tillë mbizotëruar nga të rinjë ai iu përgjigj me fjalët: “Unë ndihem i ri akoma!”

Në fund të emisionit zuri vend një intervistë me bashkëthemeluesin e ICT Awards, Kushtrim Shala, i cili foli për rrugëtimin e ICT Awards që nga diskutimet rreth nismës në 2010-n dhe më pas 2012-a do të vinte për të finalizuar përpjekjet dhe vizionin me edicionin e parë.

 

/PCWorld Albanian

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale