Aktivitetet e Javës Globale të Sipërmarrjes në Kosovë
Përditësuar së fundmi: 14/11/2017

Aktivitetet e Javës Globale të Sipërmarrjes në Kosovë

Share
nga Neada Muçaj
Nën 14, 2017

Nën udhëheqjen e Innovation Centre Kosovo (ICK), në bashkëpunim me Odën Ekonomike Amerikane në Kosovë, nisi Java Globale e Sipërmarrjes ku 40 organizata partnere dhe donatorë nga Kosova i bashkëngjiten iniciativave të njëjta anembanë botës për të pestin vit rradhazi, me qëllim të ngritjes së vetëdijes për rëndësinë e sipërmarrjes në zhvillimin ekonomik në vend.

Java e Sipërmarrjes Globale është festa më e madhe e inovatorëve dhe krijuesve të vendeve të punës, të cilët lançojnë startupe që sjellin idetë në jetë, nxisin rritjen ekonomike dhe zgjerojnë mirëqenien njerëzore.

Gjatë një jave çdo nëntor, GEW frymëzon njerëzit kudo nëpërmjet aktiviteteve lokale, kombëtare dhe globale të dizajnuara për t’i ndihmuar ata të eksplorojnë potencialin e tyre si inovatorë.

Këto aktivitete, nga konkurset dhe eventet në shkallë të gjerë deri në takime të afërta, lidhin pjesëmarrësit me bashkëpunëtorët e mundshëm, mentorët, madje edhe investitorët – duke i njohur ata me mundësi të reja dhe të mrekullueshme.

Aktivitetet që do të zhvillohen deri në fund të javës do të jenë:

E Mërkurë

CISCO sjell workshopin Cisco Data Center

Një tjetër Workshop – “Shaping the future of VET schools” mundësohet nga Kosovar Youth Council (KYC)

Diat mbyllet me Startup Grind Prishtina ku i ftuar do të jetë Besim Beqaj (Ministër i inovacionit dhe sipërmarrjes).

E Enjte

Pas pushimit të mëngjesit ku bashkë me kafen mund të ndani dhe përshtypjet e opinionet tuaja me pjesëmarrësit, një panel diskutimi mbi “Mundësitë dhe Sfidat e Sipërmarrësve” nga ARDA do të jetë aktiviteti mikëpritës.

Mund ta quajmë dita e femrave sepse përkatësisht këto aktivitete ju referohen atyre:

  • Ndarja e Praktikave të Mira të Grave Sipërmarrëse nga Jakova Innovation Center
  • Femrat në Sipërmarrje – BarCamp Peja #8

Do të mësoni se “Si të gatuani një biznes” nga IBCM Master Chef, e më tej.

E Premte

Workshope të ndryshme si:

Lidershipi në Aksion (Leadership in Action), organizuar nga EBRD.

“Sipërmarrja si një karrierë për të rinjtë Kosovarë”

Dita e parë e Startup Weekend Prishtina 2017, organizuar nga ICK.

E Shtunë

Dita nis me Workshopin: Leadership in Action.

Më pas mund të bëheni pjesë e Barcampeve me vendodhje të ndryshme:

  • BarCamp Drenas #3
  • BarCamp Gjilan #12
  • BarCamp Ferizaj #35
  • BarCamp Gjakova #21
  • BarCamp Gjilan #12

BarCampet promovojnë dhe motivojnë më të mirët e komunitetit ku vepron, dhe ka synim mësimin dhe zhvillimin e ndërsjellë të komunitetit të BarCamp. Këtë e bëjmë përmes bisedave të hapura dhe ndarjes së përvojave.

Ndërkohë ICK vazhdon me Ditën e dytë të Startup Weekend Prishtina 2017.

Java Globale e Sipërmarrjes në Kosovë vazhdon deri të dielën dhe mbyllet me garën e mirënjohur globale “Startup Weekend” në Innovation Centre Kosovo. Kalendarin e detajuar të të gjitha aktiviteteve mund ta gjeni KËTU.