Akademia brenda kompanisë, mundësi për punonjësit dhe klientët - Business Magazine Albania

Akademia brenda kompanisë, mundësi për punonjësit dhe klientët

Innovaway

Kompanitë në fushën e zhvillimit të teknologjisë po investojnë shumë tek punonjësit e tyre, përmes formimit praktik dhe përshtatjes për kërkesat e tregut. Kjo u mundëson të rinjve shqiptarë të mund të punojnë, por edhe të mësojnë elementë shtesë falë akademive pranë kompanive.

Innovaway është një prej kompanive në fushën e teknologjisë që ka pikë të fortë ndërtimin e ekipit dhe mirëqenien e punonjësve të saj. Certifikimi & Edukimi i Vazhdueshëm që kompania vendos në funksion lejon që punonjësit e saj të qëndrojnë të përditësuar dhe në të njëjtën kohë u garanton partnerëve të saj që të kenë sigurinë se softueri i zhvilluar përputhet me metodologjitë e duhura të sigurisë.

Drejtuesit e kompanisë tregojnë se, brenda akademisë, Innovaway zgjedh studentë nga universitetet më të mira shqiptare. Ajo u lejon të ndjekin kurse specializimi falas, me qëllim profesionalizimin e njohurive të marra brenda rrugës së tyre të trajnimit dhe aktivizimin e tyre brenda IT Factory.

Artikulli u publikua më parë në faqen 62  të numrit 26 të revistës Business Magazine Albania. Ju mund të Siguroni këtu nr. 26 të saj.

Për të gjitha kompanitë që kërkojnë një partner të besueshëm dhe inovativ, Innovaway propozon veten si një kompani solide, me rritje të vazhdueshme sipërmarrëse në një nivel ndërkombëtar, me të cilën mund të planifikojë bashkëpunime të qëndrueshme dhe afatgjata në fushën e IT.

Innovaway Sh.p.k. është një kompani e grupit italian Innovaway, e themeluar në 2015, me mbi 1100 punonjës, 100% në pronësi të kompanisë mëmë.

Grupi Innovaway, me më shumë se 1100 punonjës e një xhiro totale prej 50 milionë euro, ofron zgjidhje dhe shërbime inovative të TIK-ut, të zhvilluara me teknologjitë më të fundit; numëron rreth 150 klientë ndërkombëtarë të pranishëm në 200 shtete në sektorët e industrisë, financës, produkteve të luksit, transportit, shërbimeve dhe sektorit publik. Innovaway operon në 8 seli dhe kryen aktivitete në të gjithë botën.

Në bashkëpunim me klientët e saj ajo po vepron në sfidën e Transformimit Digjital, përmes aftësisë për të përtërirë, krijuar dhe menaxhuar zgjidhje digjitale. Përfaqësuesit e kompanisë tregojnë se, “misioni i Grupit është të rrisë aftësinë e klientëve të tij për të konkuruar në nivel global, në sajë të aftësive të profesionistëve të saj, qasjes nga fillimi deri në fund (end-to-end) dhe modelit të tij të funksionimit të bazuar në inovacione dhe përmirësime të vazhdueshme”.

Practice e IT-së mbështetet në një ekip me mbi 100 çertifikime, i cili punon në fushën e integrimit të sistemeve, me një Software Factory, e cila merret me zhvillimin e softuerit Open Source, dhe një Testing Factory, e cila merret me testimin e softuerit.

Lexo: Gitanjali Rao, 15 vjeçarja në kopertinën e revistës “Times”

IT Factory është një nga departamentet ekselente të Innovaway, e bazuar në katër seli: Napoli, Roma, Milano dhe Tirana. Një pikë e fortë e fabrikës është bashkëpunimi me departamentin e Kërkimit dhe Zhvillimit në Napoli, pasi kjo mundëson krijimin e një modeli operativ inovativ dhe përdorimin e teknologjive dhe arkitekturave përpara se ato të dalin në treg.

Shërbimet e ofruara për klientët tanë variojnë nga zhvillimi i “task-ut”, duke marrë përsipër procesin që nga projektimi i tij, deri tek zhvillimet e ashtuquajtura “agile” dhe ne këtë  rast, një ekip i kolegeve, bazuar në nevojat e klientit, është i integruar në procesin e zhvillimit të produktit të vënë në funksion pranë konsumatorit.

Zyra jonë e arkitekturës është në një hap me modelet e fundit të tregut; Microservices dhe Microfrontend  lejojnë që zgjidhjet tona të jenë të ndryshueshme dhe të shpërndara për një efektshmëri dhe efikasitet më të madh.

Teknologjitë e bazuara në JAVA & Javascript janë një pikë e fortë e factory sonë; përdorimi i frameëork-eve të universit Spring dhe gjuhëve Frontend, të tilla si Angular dhe ReactJS, u lejojnë klientëve dhe gjithashtu zhvilluesve tanë të mbajnë gjithmonë hapin me kohën, duke u paraprirë trendeve dhe duke krijuar infrastruktura teknologjike efektive dhe të kohës.

Për realizimin e softuerit kujdesen ekipe italo-shqiptare, në mënyrë që të rritet përfshirja tekniko-kulturore e të dy palëve, bashkë me përvojat e dy grupeve të punës, të cilat bashkëpunojnë sipas filozofisë së korporatës.

Testing Factory u mundëson partnerëve të saj cilësinë më të mirë teknike dhe të perceptuar për klientët e saj, duke ndjekur metodologjinë ISTQB.

Artikulli u publikua më parë në faqen 62 të numrit 26 të revistës Business Magazine AlbaniaBusiness Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Siguroni këtu nr. 26 të saj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0