Air Albania nis fluturimet nga Aeroporti Ndërkombëtar i Kukësit për në Zyrih dhe Stamboll - Business Magazine Albania

Air Albania nis fluturimet nga Aeroporti Ndërkombëtar i Kukësit për në Zyrih dhe Stamboll

Aeroporti Ndërkombëtar i Kukësit

Më 15 korrik, transportuesi ajror i flamurit shqiptar Air Albania filloi destinacionet e Zürich dhe Stamboll nga Aeroporti Ndërkombëtar i Kukësit, duke shtuar frekuencën e fluturimeve nga aeroporti i ri i dytë shqiptar. 129 ishte numri i pasagjerëve që për herë të parë mbërritën nga Zyrihu në Kukës.

Kuksi po shihet si një destinacion i rajonit Verior të Shqipërisë, përfshirë Kosovën. Aeroporti i ri i Kukësit ka 6 fluturime në javë tashmë të planifikuara dhe duket se kërkesa e pasagjerëve për të fluturuar në dhe nga Kukësi është e lartë.

Me po të njejtën cilësi të lartë shërbimi dhe çmime ekonomike, Air Albania premton se shumë shpejt do të shtojë destinacione të reja për të mbajtur titullin e krenarisë së shqiptarëve, dhe jo vetëm të Shqipërisë, por edhe të Kosovës, Maqedonisë së Veriut dhe Malit të Zi.

“Jemi shumë entuziastë dhe jemi të nderuar që sot, në ditën e parë të fluturimeve të Air Albania në Kukës, jemi gati të rezervuar plotësisht. Kjo do të thotë që shqiptarët na besojnë jo vetëm sepse e kemi bërë transportin ajror një rrugë më të lehtë, dhe më të shpejtë, por edhe sepse kemi sjellë çmime ekonomike dhe shërbime të shkëlqyera. Jemi krenarë që porta e dytë në qiellin e Shqipërisë u shërben të gjitha territoreve shqiptare të Shqipërisë, Kosovës, Maqedonisë Veriore dhe Malit të Zi”, tha në fjalën e tij Drejtori i Përgjithshëm Ekzekutiv i Air Albania, Z. Sinan Dilek.

Lexoni: Bileta Avioni me vetëm 1 Euro! Aeroporti i Kukësit nis fluturimet në Zyrih dhe Stamboll

Kukësi është aeroporti i dytë ndërkombëtar i Shqipërisë. Shqipëria përuroi aeroportin e saj të dytë ndërkombëtar në Kukës, më 18 Prill me fluturimin e parë të pasagjerëve nga Londra të operuar nga Air Albania.

Informacioni mbi biletat ajrore nga Aeroporti Ndërkombëtar i Kukësit për në Zyrich dhe Stamboll, gjendet në faqen zyrtare të Air Albania: https://www.airalbania.com.al/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0