Aeroporti i Vlorës, nis me kosto 2.5 milionë euro në vit për buxhetin  

Aeroporti i Vlorës, nis me kosto 2.5 milionë euro në vit për buxhetin  


Diskutimet për projektin e aeroportit të Vlorës, kanë vijuar në Komisionin Parlamentar të Ekonomisë, ku ka folur ministri i Financave dhe Ekonomisë Arben Ahmetaj.

Edhe pse një ditë me parë, Ministri i Transportit dhe Energjisë pati theksuar se projekti do të ketë kosto minimale në buxhet, sot Ministri i Financave ka pohuar se kostoja minimale do të jetë 2.5 milionë euro, dhe parashikon të mbulojë trafikun e munguar. Numri i pasagjerëve sipas Ahmetajt, është parashikuar të jetë 600 mijë në vit për 2-3 vitet e para, ndërsa rritja e fluksit pritet që të jetë 7% në vit.

Metodologjia për mbulimin e kostos së pasagjerëve pritet të jetë e njëjtë me atë të Aeroportit të Zagrebit. Nënkryetarja e këtij komisioni Jorida Tabaku, është shprehur skeptike për këtë investim duke theksuar se konsorciumi turk nuk ka përvojën e mjaftueshme ne operim. Tabaku tha se, “duhet që të ketë të paktën 5 vjet eksperiencë në operim. Nuk e plotëson kjo kompani këtë kriter’’. Ajo ka theksuar gjithashtu se nuk është e qartë cila është baza ligjore në Kushtetutë që referohet për këtë marrëveshje.

Ministri i Transportit Gjiknuri, ka theksuar se vendimi për ta cilësuar si një investim strategjik synon t’i japë projektit statusin e veçantë për të pasur transparencë më të madhe. Ky vendim tha ai bazohet në kushtetutë. Nga diksutimet në kuvend këto ditë, është bërë e ditur se vlera e ndërtimit të aeroportit të Vlorës do të jetë 100 milionë euro dhe pritet të hapë 1 mijë vende pune.

Projektligji që pritet të votohet këtë të enjte në seancë plenare përcakton procedurën e veçantë për negociimin dhe lidhjen e kontratës, mes shtetit shqiptar dhe shoqërive “Cengiz Construction & Kalyon & Kolin Construction”, me objekt projektimin, ndërtimin, operimin, mirëmbajtjen dhe menaxhimin e aeroportit të qytetit të Vlorës.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0