A keni një ide të re biznesi? Ja çfarë duhet të bëni


A keni vazhdimisht ide të shkëlqyera biznesi të cilat humbasin, sepse thjesht nuk dini se si t’i ktheni ato në realitet? Nëse jeni mbërthyer në fazën e ideve, kjo është ndoshta sepse nuk dini çfarë të bëni më pas.

Rreth 550,000 njerëz bëhen sipërmarrës çdo muaj, sipas indeksit të Kauffman, dhe ti mund të jesh një prej tyre. Edhe pse nuk ka një formulë të garantuar për të nisur një biznes të suksesshëm, janë disa hapa që mund të ndiqni gjatë fazës së planifikimit për të kuptuar nëse idea juaj vlen.

Lexoni: Si të gjeneroni 20 ide biznesi në vetëm 10 minuta?

  1. Përcakto “pse” dhe “kush”

Hapi i parë që duhet të merrni pasi keni një ide të re biznesi është të përqëndroheni te “pse” dhe “kush”. Ju mund të mendoni se keni nje ide fantastike, por biznesi juaj nuk do të jetë i suksesshëm nesë nuk i njihni arsyet e vërteta pse ai ofron një zgjidhje të mirë dhe kujt i shërben.

Filloni të mendoni për problemin që biznesi juaj zgjidh. Biznesi juaj mund të zgjidh një problem për ju, por a zgjidh probleme për të tjerët? Nëse askush nuk ka problemin për të cilin ju ofroni zgjidhje, kush do ta blejë atë?

Pasi të keni bërë hapin e parë, përcaktoni audiencën që do të targetoj biznesi juaj. Mendoni për demografinë e target audiencës suaj, çfarë është e rëndësishme për këta njerëz dhe si mund t’i arrini ata. Make My Persona nga Hubspot, është një mjet që mund të përdorni për të përcaktuar klientët tuaj ideal. Një biznes nuk është biznes pa klientë.

2. Kërko për zgjidhje të ngjashme

Asnjë ide biznesi nuk është 100% unike; gjithmonë do të ketë biznese në botë të ngjashme me tuajën. Kështu që mos u shqetësoni nëse ka kompani që bëjnë atë që ju bëni; në fakt kjo do të thotë se ka treg dhe për ju. Ajo që ju duhet të bëni është të shikoni kush do të jetë konkurrenca juaj, çfarë saktësisht po japin dhe çfarë do të bëni ndryshe ose më mirë se ata.

Për tu dalluar nga konkurrenca, ju duhet të kuptoni çfarë keni/ofroni ndryshe nga ta. Filloni të hulumtoni për kompanitë që mund të jenë konkurrenca juaj. Shikoni çmimet që përdorin, audiencën që targetojnë dhe si marketojnë. Nuk është nevojë të rishpikim rrotën, por ky vëzhgim do t’ju ndihmojë të përmirësoheni në ato fusha ku ju nevojitet.

3. Flisni me klientët tuaj potencialë

Duhet të studioni konkurrencën për të studiuar më pas klientët potencialë. Flisni me audiencën, fizikisht dhe virtualisht. Shikoni nëse produkti apo shërbimi që ju ofroni është i pëlqyeshëm për ta, zbuloni sa do të paguanin për të dhe interesohuni se çfarë produkti të ngjashëm apo biznes po përdorin për të zgjidhur aktualisht problemin.

Mund t’i kërkoni madje njerëzve të plotësojnë anketa të ndryshme që do t’ju ndihmojnë të njihni më mirë audiencën. Edhe feedback-u negativ mund t’ju ndihmojë për të përmirësuar idenë tuaj.

Lexoni: Disa ide biznesi me kosto të ulët

4. Formuloni detajet e biznesit tuaj

Një ide e re biznesi është emocionuese; mendja juaj ndoshta gumëzhimë me shumë plane dhe dizenjime. Pra, uluni dhe mbyllni detajet e biznesit tuaj. A do të ofroni një produkt apo shërbim? Sa do të kushtojë? Si do ta marketoni biznesin tuaj? Ju duhet të dini konceptin tuaj të ri të biznesit brenda dhe jashtë para se të filloni. Një mënyrë e mirë dhe e lehtë për të organizuar mendimet tuaja është të përdorni një program për plane e biznesi si LivePlan.

Gjithashtu, nëse ende nuk keni gjetur një emër për biznesin tuaj, tani është momenti!! Mendoni, konsultohuni dhe përzgjidhni emrin që ju përfaqëson më mirë.

Lexoni: Një firmë që mban emrin e pronarit të saj fiton më shumë të ardhura

5. Përcakto “si”

Pasi keni punuar mbi të gjitha detajet e biznesit tuaj të ardhshëm, hapi i radhës është të zbuloni si ta ktheni ëndrrën në realitet. Ndërtimi i një biznesi kërkon shumë para, prandaj janë disa faktorë “si” që duhet të merrni në kosideratë. Përcaktoni nëse do të flisni me investitorë, të merrni një kredi apo të filloni një fushatë në Kickstarter.

Përcaktoni çdo gjë që ju duhet për të vënë në punë idenë tuaj. Për shembull, nëse ofroni një produkt, si do ta ndërtoni dhe sa para do të kushtojë? Ky është hapi i fundit dhe një nga më të rëndësishmit për ta shpërngulur biznesit tuaj, nga koka në botën reale.

/Entrepreneur

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale