A janë vërtetë të dëmshëm ekranët dixhitalë?

A janë vërtetë të dëmshëm ekranët dixhitalë?


Koha e kaluar me tepri përpara ekranit, sidomos për fëmijët dhe të rinjtë, është një shqetësim i madh i momentit.

Por, një studim nga Universiteti i Oxford, i cituar nga BBC, tregon se pasojat e ndikimit që ajo mund të ketë te mirëqenia mendore e të miturve nuk janë edhe aq të dukshme nga ç’mendohej. Edhe nëse kalojnë orë të tëra në shtrat duke parë ekranin e telefonit apo laptopit, rreziku sipas këtij studimi nuk është aq i madh.

“Ne pamë mirëqenien e përgjithshme”, rrëfen Amy Orben, pjesë e ekipit që realizoi kërkimin. “Por, nuk gjetëm ndonjë lidhje mes përdorimit të ekranit dixhital për 30 minuta, një orë apo dy orë përpara gjumit, me ndonjë çrregullim të mirëqenies”.

Studimi merr në konsideratë të dhënat nga mbikëqyrja e më shumë se 17 mijë adoleshentëve në Britaninë e Madhe, Irlandë dhe SHBA.

Ndërkohë, kritikët reaguan menjëherë duke theksuar se disa nga të dhënat e Oksfordit datojnë nga viti 2011.

Që prej atëherë, koha e përdorimit të ekranit nga adoleshentët dhe natyra e asaj që po shikojnë kanë ndryshuar, thonë ata, duke nënvizuar se ka shumë dëshmi se, edhe pa marrë parasysh orët që të rinjtë shpenzojnë duke parë ekranet, të miturit përballen me materiale që reklamojnë çështje të tilla si anoreksia dhe dëmtimi i vetes, të cilat mund ta cënojnë shëndetin mendor të tyre.

/BBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0