A i ke dhënë P0-së një puthje lamtumire? - Business Magazine Albania

A i ke dhënë P0-së një puthje lamtumire?


 

Nëse marr shembullin personal, para 3 vjetësh kur fillova si terapeute & Business Coach, u kam ofruar jashtëzakonisht shumë kohë dhe seanca të ndryshme (shumë shpesh edhe FREE) personave të ndryshëm për zgjidhjen e problemeve të ndryshme. Dëshira ime për të parë sa më shumë transformime të bukura në jetën e tyre, më ka shtyrë që shpesh të jepja shumë më tepër nga sa ndoshta mundesha, duke cënuar kohën time të lirë apo duke larguar vëmendjen nga familja, etj.

Me kalimin e kohës jam mësuar të përdor shumë më shpesh fjalën “JO” dhe kjo lloj disipline është një nga sfidat më të bukura që kam fituar.

Duke pasur këtë dëshirë të fortë për të ndihmuar njerëzit, të mësoja të thoshja “JO”, natyrisht nuk ka qenë dhe ende nuk është e lehtë.

Shpesh e kap veten duke u shpjeguar të tjerëve se pse u thashë JO, për të mos më “gjykuar” ose të mos mendonin apo mendojnë keq për mua.

Një nga mënyrat më të papërshtatshme sesi e jetojmë jetën është kur themi “PO”, kur duhet të themi “JO”.

Në të kaluarën, absolutisht jo vetëm në këto tre vitet e fundit, opinionet e të tjerëve më bënin të ngarkoja veten me faj dhe kjo zakonisht më ka bërë të kompromentoj vlerat e mia, sinqeritetin, por mbi të gjitha kohën time, kohë që mund t’ua kushtoja gjërave më të rëndësishme.

Është e rëndësishme të themi “JO” atëhere kur kjo “PO” bie ndesh me kohën apo vlerat tuaja, pasi duke u thënë “PO” të tjerëve ju i thoni “JO” vetes suaj.

Po ti, i ke dhënë “PO-së”, “se ashtu duhet”, një puthje lamtumire?

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0