Blloku i 9-katësheve në Tiranë pritet të kthehet në hapësirë biznesi pasi t’I nënshtrohet një faze rinovimi.
Kryetari i Bashkisë, Erion Veliaj, tha gjatë dëgjesës publike me banorët e njësisë Nr.8 për buxhetin 2019, se projekti transformues do të jetë pjesë e projektit që lidh sheshin ‘Skënderbej’ me ‘Pazarin e Ri’.
“Kemi marrë një vendim që të mos i lëmë Pazarin e Ri dhe sheshin “Skënderbej” si dy ishuj veç e veç, me kolonat në mes, por kemi përgatitur një investim së bashku me miqtë tanë të Fondit Shqiptaro-Amerikan, për të riparuar të gjithë pjesën e 9-katësheve, kolonave, që sheshi “Skënderbej” të lidhet natyrshëm, me të njëjtin cilësi punimesh, përmes dy pjesëve të kolonave, me Pazarin e Ri, duke e kthyer në një rrugë të madhe shopingu”.
Velia tha se ka mirëpritur mbylljen e kazinove dhe basteve. “Me lirimin e shumë pikave të kazinove dhe basteve, do të ketë më shumë hapësirë për biznese të mirëfillta, që gjenerojnë vende pune”.
Vendimi i fundit e qeverisë për mbylljen e pikave basteve, po kundërshtohet nga shoqëria civile, me argumentin, se mbyllja nuk është reale, por po mbështetet monopoli i basteve online.
Lexo: Ligji për ndalimin e basteve, një histori monopoli e frikshme!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.