8 shenja që tregojnë se keni një marrëdhënie të shëndetshme me teknologjinë - Business Magazine Albania

8 shenja që tregojnë se keni një marrëdhënie të shëndetshme me teknologjinë

teknologjinë

Studime të shumta tregojnë se teknologjia dhe mediat sociale po shkatërrojnë trurin, po ndikojnë në shkatërrimin e marrëdhënieve tuaja si dhe nëse po i lejoni po prishin edhe orët tuaja të pushimit.

Për ta thënë këtë nuk ka nevojë për studime apo akademikë që vijnë në disa përfundime, mjafton të shohim vërdallë në çdo ambient që frekuentojmë apo edhe në rrugë, shumica e njerëzve janë të fokusuar tek ekrani i telefonave të tyre.

Nga ana tjetër ndërsa kemi kaluar në dekadën e dytë të pajisjeve dixhitale në xhepat tanë, shumica prej nesh po mundohet se si t’i integrojë këto pajisje në jetën tonë në mënyra më të shëndetshme.

Lexoni: 5 anët e errëta të sipërmarrjes

Lind pyetja nëse ju personalisht po ja dilni në betejën tuaj për të mbajtur një marrëdhënie të shëndetshme me teknologjinë tuaj? Në faqen e internetit Greater Good Science të UC Berkeley së fundmi, bashkëthemeluesja e Digital Wellness Center, Amy Blankson ofroi një listë kontrolli të dobishme për t’ju ndihmuar në lidhje me këtë.

“Vlerësimi i shëndetit tuaj dixhital nuk është vetëm fakti se ju po shtoni kohën duke ndenjur para ekranit,” shkruan ajo. “Përkundrazi, është një vlerësim që merr në konsideratë faktorë të shumtë”, përfshirë ndjenjën e fajit që jeni online gjithë kohës, problemet që shkakton teknologjia në shëndetin tuaj fizik, dhe nga ana tjetër përfitimet pozitive që marrim nga pajisjet tona.

Ju do ta kuptoni që po arrini të dilni mbi teknologjinë kur sinqerisht mund t’i përgjigjeni me Po të gjitha pyetjeve më poshtë:

  1. A mund të gjeni përqendrimin dhe rrjedhën në punën tuaj?
  2. A jetoni në harmoni si me mjedisin tuaj fizik ashtu edhe me atë dixhital?
  3. A lidheni në mënyra kuptimplota në marrëdhënie me të tjerët?
  4. A i shijoni marrëdhëniet e forta si online dhe offline?
  5. A keni ndërtuar praktika të shëndetshme fizike dhe dixhitale?
  6. A arrini të kujdeseni për veten përmes përdorimit të qëllimshëm të teknologjisë?
  7. A e kuptoni se si të menaxhoni të dhënat tuaja dixhitale dhe privatësinë?
  8. A kontribuoni në një komunitet dixhital pozitiv në rrjetet tuaja?

Pak prej nesh do të jenë në gjendje të thonë një po me gjithë zemër për çdo pyetje në këtë listë, por kjo nuk duhet të jetë shkak për t’u mërzitur. Në vend të kësaj, mendoni për secilën “eh, ndoshta” si një tregues që reflekton se ju do të përmirësoheni. Përpjekjet sado të vogla në këtë çështje ka të ngjarë të sjellin përfitime të mëdha përsa i përket shëndetit tuaj më të mirë dixhital.

/Përshtatur nga Inc.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0