7 ndryshimet kryesore për taksat dhe të ardhurat tuaja - Business Magazine Albania

7 ndryshimet kryesore për taksat dhe të ardhurat tuaja

taksat dhe te ardhurat

Ky vit që sapo kemi nisur është shoqëruar me disa masa lehtësuese dhe mbështetëse për individë e sektorë. Karakteristikë e një viti zgjedhor, por edhe një viti që ka nevojë për lehtësi për shkak të krizës  së shkaktuar nga pandemia. Mes lehtësive më të mëdha rezulton rritja e pragut të xhiros për disa aktivitete për pagesën e Tatim Fitimit dhe TVSH-së si dhe ulja e TVSH-së për disa sektorë apo shërbime.

1-Paga minimale është 30 000 lekë/muaj nga 26.000 që ishte.

2- Nis fiskalizimi gradual. Prej 1 janarit procesi i ri i fiskalizimit do të aplikohet për sipërmarrjet që janë në marrëdhënie kontraktore me institucionet publike, për të vazhduar me tej në tre faza zgjerimi.

3-0 Tatim Fitim për bizneset me xhiro deri në 14 milionë lekë. Pragu i Tatim Fitimit ishte 5 milionë lekë xhiro në vit.

4- 0 TVSH për profesionet e lira deri në kufirin e qarkullimit vjetor 10 milionë lekë. Nga heqja e TVSH-për këtë kategori përfitojnë, avokatë, noterë, auditues, kontabilistë e vlerësues të pasurive të paluatshme. Këtë lehtësi do të vazhdojnë ta përfitojnë dentistët, të cilët e gëzonin prej rreth 5 vitesh.

5- Startup-et. Me ligjin e ri startupet do të trajtohen me disa forma lehtësuese. Ngrihet Bordi i Vlerësimeve të Startupeve Inovative dhe përjashtohen nga taksat për tre vitet e para.

Lexo: Ministri Shalsi: startupet do të kenë struktura mbështetëse dhe lehtësi

6- Mbi 10 milionë lekë xhiro- fermerët do të paguajnë TVSH dhe kjo e fundit do t’u kompensohet. Me këtë masë, rritet pragu pagesës së TVSH-së dhe rrjedhimisht kompensimit të tij nga 5 në 10 milionë lekë.

7- Zbret nga 20% në 5% TVSH për investimet në sport. TVSH zbret nga 20% në 5%. Me këtë masë pritet të përfitojnë më së shumti kompanitë dhe investimet për llogari të shërbimeve publike, si ndërtime dhe mirëmbajtje të infrastrukturave të ndryshme sportive për klubet sportive.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0