5 sipërmarrës shumë të suksesshëm, karriera e të cilëve u zhvillua në të 30-at e tyre


Shpeshherë lexojmë histori të sipërmarrësve që fillojnë në të 20-ta e tyre, të cilët krijojnë pasuri miliarda dollarësh. Është e vërtetë se ka shumë të rinj që po shohin sukses të madh në vetëm pak vite, sesa shumë prej nesh do të kemi gjatë gjithë jetës.

Por ka dhe nga ata persona që kanë qenë në të 30-tat dhe kanë arritur të nisin një biznes që bëri kthesën vendimtare në jetën e tyre.

BusinessMag ju sjell më këtë artikull vetëm disa nga historitë e tyre:

  1. Tim Westergren

Tim Wstergren është themeluesi i Pandora, por ai nuk kishte asgjë derisa vajti 35 vjeç. Çfarë po bënte deri në atë moshë? Në mosha të ndryshme, ai ishte një hipi, një dado dhe një kompozitor muzikor me kohë të pjesshme. Në fund të viteve 1990, ai filloi të shkruante muzikë për filma dhe krijoi një koncept që i lejoi atij të personalizonte zgjedhjet muzikore bazuar në personalitetet e çdo drejtori me të cilin punonte.

Kjo karrierë e re nuk e paguante shumë, por krijoi themelet e një ideje që u shndërrua në një paraardhës të Pandorës, “Procesin e Gjenomit të Muzikës”. Në vitin 2007 ai krijoi Pandorën dhe në vitin 2010, ai ishte një nga 100 njerëzit më me ndikim të revistës Time.

  1. Milton Hershey

Ju e shihni këtë emër sa herë që hani një pjesë të çokollatës së tij, por nuk dyshoni se Hershey nuk e pa suksesin në themelimin e kompanisë Hershey Chocolate deri sa shkoi 37 vjeç. Në moshën 13-vjeçare, Hershey hoqi dorë nga shkolla dhe filloi të mësonte të bënte ëmbëlsira. Ai huazoi para për të hapur një dyqan ëmbëlsirash, por dështoi pas pesë viteve të punës.

Pastaj, kur ishte 26 vjeç, filloi kompaninë Lancaster Caramel, por deri në 1893 ai nuk e arriti suksesin, vetëm kur shkoi 37 vjeç, fokusi i tij u kthye tek çokollata e qumështit dhe lindi kompania Hershey Chocolate Company.

  1. Gordon Moore

Për dekada me radhë, ne i jemi referuar “Ligji Moore” për të përshkruar rritjen eksponenciale që shohim në numrin e transistorëve që mund të përshtaten në një qark të integruar. Njeriu i quajtur “ligji”, Gordon Moore, ishte themeluesi i Intel dhe ai nuk e filloi atë biznes deri sa vajti 38 vjeç.

Moore kur ishte 27 vjeç, u bashkua me shtatë teknologë të tjerë të talentuar për të krijuar Fairchild Semiconductor. Pas një dekade, Moore u largua dhe filloi biznesin e tij, Intel, me partnerin e tij Bob Noyce.

  1. Jan Koum

Jan Koum ka një nga historitë më të mira në historinë moderne të sipërmarrjes. Lindur në Ukrainë, Koum erdhi në Shtetet e Bashkuara me nënën e tij kur ishte 16 vjeç. Ai mësoi se si të kodonte kur ishte 18 vjeç dhe filloi kolegjin, por u largua para se të merrte një diplomë.

Më pas ai punoi në Yahoo! për gati një dekadë, por u largua që aty kur ishte 30 vjeç për të ndjekur diçka më të madhe. Në moshën 32-vjeçare, ai filloi WhatsApp-in dhe pas një sërë nisjesh dhe sfidash, mendoi për mbylljen e kompanisë. Fatmirësisht, ai nuk e bëri, pasi në moshën 37 vjeç, shiti WhatsApp në Facebook për një shumë prej 19 miliardë dollarë.

  1. Jack Ma

Jack Ma, themeluesi i Alibaba, gjithashtu ka një histori frymëzuese. I lindur në një familje pa shumë para, Ma vendosi se mënyra e vetme për të shkuar përpara ishte përmes edukimit – por ai dështoi në provimet e pranimit të kolegjit dy herë. Ai më në fund ia doli të pranohej në përpjekjen e tretë dhe filloi të aplikonte për ndonjë punë gjatë asaj kohe.

Pas shumë refuzimesh, Ma filloi të jepte mësime në anglisht, për 12 dollarë në muaj. Pasi vizitoi Shtetet e Bashkuara në moshën 31 vjeçare, Ma kuptoi se çfarë mundësie ishte për kompanitë e internetit në Kinë. Ai krijoi dy ndërmarrje që dështuan, por, kur ishte 35 vjeç, së bashku me një grup miqsh mblodhën investime për idenë e tij të tregut online. Gjë që më vonë u kthye në Alibaba. Në fund të vitit 2017, vlera e Jack Ma ishte 46.6 miliardë dollarë, një hap i madh nga paga e mëparshme 12$ në muaj.

Nuk ka rëndësi nëse jeni 20, 30, 40 vjeç apo më shumë: Nëse keni një ide solide, pasionin për ta ndjekur atë dhe aksesin në burimet që ju nevojiten për t’i bërë gjërat, edhe ju mund të bëheni sipërmarrës i suksesshëm në çdo moshë.

Sigurisht që ekzistojnë avantazhet dhe disavantazhet për të filluar në çdo moshë, por me mentalitetin e duhur dhe urinë për dije, është e mundur që gjërat të kthehen në favorin tuaj.

burimi: BusinessInsider

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale