5 Mitet për bateritë e telefonave - Business Magazine Albania

5 Mitet për bateritë e telefonave


“Mos e përdor telefonin ndërkohë që karikohet”, “ mos e lër në karikim gjithë natën” dhe “gjithmonë lëre të shkarkohet plotësisht bateria” – këto janë disa nga mitet më popullore për bateritë e smartphone-ve.

Kur bëhet fjalë për jetën e baterive, ka disa rregulla në lidhje me atë që mund të bëni dhe nuk mund të bëni me smartphone-ët tuaj. Ndërkohë që ekzistojnë disa rregulla të cilat janë të vërteta, ka edhe disa “thashetheme” të cilat ju mund t’i injoroni. Bateritë e telefonave kanë evoluar aq shumë në këto vite, duke u bërë më “të zgjuar” dhe të thjeshtë për t’u menaxhuar. Pjesa më e madhe e baterive të litiumit të përdorura nga Samsung dhe Apple, duhet të zgjasin nga 3 deri në 5 vjet, nëse kujdeseni për to siç duhet.

Më poshtë janë 5 mite që ekzistojnë për bateritë e telefonave dhe të vërtetën rreth tyre:

Miti 1: Përdorimi i karikuesve që nuk janë të markës së telefonit tuaj e shkatërron baterinë.

E vërteta: Karikuesët e markave të tjera mund të përdoren dhe nuk ka asnjë problem. Më e mira do të ishte që të shmangni karikuesët të cilët nuk janë origjinal (imitimet).

Mos blini karikues të cilët nuk janë origjinal kur më mirë mund të blini karikues jo të markës tuaj por origjinal. Sipas një eksperiment të bërë nga Lifehacker, rezultoi se karikuesit që ishin të markave të tjera, megjithëse nuk punonin aq mirë sa ato origjinalët, janë në rregull. Ato karikues të cilët ishin imitime mezi karikonin telefonin dhe punonin shumë avash.

Miti 2: Ju nuk duhet t’a përdormi telefonin tuaj ndërkohë që karikohet.

E vërteta: Përdoreni sa të doni, përsa kohë që nuk e keni vendosur në karikim në zgjatus.

Ka disa arsye të frikshme mbas këtij miti. Njerëzit besojnë që duke përdorur një telefon ndërkohë që karikohet do të bëjë që telefoni të shpërthejë ose do të lëndojë dikë nga një shok elektrik. Kjo në fakt i ndodhi një stjuardese kineze të quajtur Ma Ailun në Korrik të 2013, kur ajo po e përdorte telefonin e saj Iphone 4 ndërkohë që po karikohej. Megjithatë, raporti tregoi se ajo po e përdorte në zgjatues, jo direkt në prizë.

Miti 3: Të karikosh telefonin tënd gjithë natën e prish baterinë

E vërteta: Telefoni juaj është më i zgjuar sesa mendoni ju. Sapo mbushet plot, e di se duhet të ndalojë së karikuari. Kjo nënkupton se bateria nuk po karikohet më sapo bëhet 100%.

Megjithatë kjo nuk do të thotë se duhet ta karikoni telefonin tuaj gjithë natën, çdo natë. Bateria e telefonit tuaj do të zgjasë më shumë nëse e mbani të karikur midis 40% dhe 80%.

Miti 4: Ju nuk duhet ta fikni asnjëherë telefonin tuaj

E vërteta: Telefoni juaj mund të jetë një makinë, por ka nevojë për të bërë pushim. Gjeniu i Apple thotë së në mënyrë që të maksimizoni jetën e baterisë tuaj, ju duhet ta fiksni herë pas herë telefonin tuaj, sidomos gjatë natës kur flini.

Ekspertët e Apple rekomandojnë që ta fikni celularin tuaj 1 herë në javë për ta ruajtur atë. Fikja e telefonit është e rëndësisshme edhe për pajisjet Android sepse një ristart mund të ndihmojë përmirësimin e baterisë së telefonit.

Miti 5: Mos e karikoni telefonin tuaj derisa bateria të bjerë plotësisht.

E vërteta: Është më mirë ta karikoni telefonin tuaj çdo ditë sesa një karikim i plotë rrallë herë.

FAKT BONUS – nxehtësia do ta prish baterinë

E vërteta: Kjo është shumë e vërtetë. Nxehtësia dhe teknologjia nuk shkojnë në të njëjtën rrugë dhe nuk është ndryshe për baterinë e telefonave. Telefoni juaj do të jetë i sigurt nëse mbahet në temperaturat e rekomanduara: Apple thotë se 32°F ose 0°C është temperatura më e ulët që mund të durojë. Ndërsa Samsung, garanton se mund të funksionojë nga -4°F deri në 122°F ose nga -20°C deri në 50°C.

Burimi: Shkruar nga Yohana Desta dhe publikuar në mashable.com 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0