5 dizajnet më të mira të zyrave për vitin 2019

5 dizajnet më të mira të zyrave për vitin 2019


Nuk ka rregulla të përcaktuara për krijimin e një zyre të mrekullueshme. Por janë disa detaje specifike, të cilat bëjnë diferencën. Mënyra se si kombinohen orenditë e zyrës tuaj, janë thelbi për krijimin e një zyre unike.

Kombinimi i të vjetrës me të renë

Zyrat, të cilat ruajnë origjinalitetin dhe vishen me elementë modernë, përputhen me personalitetin e kompanisë tuaj. “Është një mundësi e jashtëzakonshme jo vetëm për ruajtjen e historisë dhe origjinalitetit, por edhe për ripërdorimin adaptiv,” thotë Atwood. Pavarësisht se ne jemi në shekullin e 21-të, kombinimi i elementëve të vjetër me ata të rinj mbetet unik dhe me vlerë.

Lexo: Zyrë sipas dëshirës në TBP

Krijimi i vendeve fleksibël

Kompanitë po eksperimentojnë me një ide të re: lejimi i punonjësve të ulen në vendet ku ata preferojnë. Kompanitë janë duke u bërë më fleksible me politikat e tyre të qëndrimit të punonjësve, thotë bashkëthemeluesi i OfficeUntitled Christian Robert dhe janë duke hartuar zyrat e tyre në këtë mënyrë. Një pjesë e kompanive po ju japin mundësinë punonjësve të ulen dhe të punojnë në vendin ku ata preferojnë dhe të zgjedhin vetë se çfarë pamje duan të kenë përballë teksa punojnë. Në selinë e firmës zvicerane të marketingut Digital Luxury Group, punonjësit kanë tavolinat e tyre, por mund të zgjedhin vetë stilin e karriges që duan të kenë, duke filluar nga ato më komodet, e deri tek karriget e larta që hasim nëpër kafe.

Salla më “të zgjuara” konferencash

Teknologjia e re ka modernizuar dhomat e konferencave për epokën dixhitale, por të kuptosh se si t’i përdorësh ato, në të vërtetë mund të jetë një “telash” për punonjësit. Sipas David Galullo, CEO i firmës së projektimit Rapt Studio, kompanitë janë duke instaluar sisteme të reja ndriçimi, që mund të përdorin Bluetooth për të zbuluar kur një punonjës i caktuar ka hyrë në sallë. “Mbivendosja dixhitale mund të përmirësojë përvojën, që të mos jetë më një pengesë,” thotë ai.

Larmishmëri ngjyrash

Larmishmëria e ngjyrave është një koncept i popullarizuar në botën e modës, përfshin ndërthurjen e shumë ngjyrave që ndoshta edhe nuk kombinohen me njëra tjetrën. Por në përfundim të dizanjit, këto kombinime mund të rezultojnë tërheqëse. Disa zyra, si ajo e kompanisë së mediave muzikore Fuse, u japin zonave të ndryshme ngjyra të veçanta. Këto kombinime krijojnë pamje tërheqëse, që stimulojnë vizualisht dhe të krijojnë një ngacmim në pamje të parë kur i shikon.

Lexo: Pushimet verore do t’i kaloni në zyrë? Ja disa mënyra si të argëtoheni

Dizajne që nuk kanë lidhje me zyrën

Në krijimin e zyrave të reja, disa kompani po mendojnë që zyrat e tyre të mos ngjajnë aspak si zyra, por të kenë pamjen e një palestre apo hoteli. Galullo thekson se lobet e zinxhirit Boutique Hotel Ace, i cili ka lokacione në New York, Los Angeles, dhe një pjesë të qyteteve të tjera, shpesh janë të mbushura me vizitorë që punojnë në laptop. “Kjo duhet të na mësojë se si të krijojmë një vend pune,” thotë ai. Në shumë salla pritje ka ndriçm steril, kolltuqe të blera në dyqane të shtrenjta, mobilje unike dhe komode. Kjo pamje zyre, e cila në fakt nuk i ngjan aspak një zyre normale, është e shkëlqyer. “Dizajni i mirë është model i mirë”.

Inc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0