3 Arsye pse mbetemi pa para


Shumë njerëz besojnë se po të kenë më shumë para do t’i zgjidhin problemet e tyre. Por, për fat të keq, nuk është kështu.

Nuk jemi “trokë” sepse nuk kemi para, por sepse kemi shumë probleme me menaxhimin e atyre që kemi. “Forbes” thekson se nëse ke dëshirë të zgjidhësh njëherë e mirë këtë problem, atëherë duhet të nisësh dhe të vlerësosh atë çfarë ke, e më pas të fokusohesh tek ajo çfarë kërkon.1. Shpenzon shumë kohë duke u marrë me jetën e tjetrit, në vend që të krijosh pasurinë tënde

Të mbetesh pa lekë në xhep, lidhet me faktin sesi e menaxhon kohën. Sa kohë shpenzon në Instagram, Facebook apo WhatsApp gjatë ditës? Rrjetet sociale janë platforma shumë të mira për t’u argëtuar, por është akoma edhe më mirë të jeni të pasur ekonomikisht. Ndaj hiqe fokusin nga “të rrisësh pëlqimet në rrjetet sociale”, te “të rrisësh zerot e shifrave në bankë”. Bëhu Zot i vetes, menaxhoje vetë kohën që do të shpenzosh në rrjetet sociale.

2. Je i fiksuar me kartën e kreditit

Hiq dorë nga kartat e kreditit dhe blerjet online! Janë një mankth i vërtetë që ua nxin jetën dhe torturoheni me ato njoftime se sa para keni borxh ndaj bankës, ende pa nisur mirë muaji. Filloni të bëni blerje vetëm me para në dorë dhe në këtë mënyrë do t’a menaxhoni më mirë paranë. Mendo se sa para do të kursesh këtë muaj dhe jo se sa borxhe i ke kartës së kreditit.

3. Shpenzon shumë dhe nuk mendon të investosh

Nuk ka asgjë të keqe të shpenzosh para, por problemi qëndron se kur i shpenzojmë paratë ne nuk mendojmë asnjëherë për nevojat tona afatgjata. Të shpenzosh para ul nivelin e llogarisë që kemi në bankë, por çfarë mund të ndodhte nëse do të investonit? Sipas Forbes, gjithçka nis me hapa të vegjël dhe investimi mund të nisë edhe me më pak sesa 100 dollarë. Njerëzit që janë më të sigurtë financiarisht, kanë zgjedhur të investojnë para dhe jo t’i shpenzojnë në të “Premten e Zezë”! Ok, mos mendoni se do të pasuroheni menjëherë. Por filloni të investoni pak nga pak, dhe në fund të vitit, do të keni disa para më shumë dhe jo vetëm kaq, por do të ndiheni edhe krenarë.

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale