Kryeministri Edi Rama dhe Ministri i Financave Arben Ahmetaj prezantuan para më shumë se 200 sipërmarrësish, avantazhet e të bërit biznes në Shqipëri, duke theksuar në veçanti lehtësitë që po aplikohen në sektorin e turizmit. Kryeministri Rama e ka quajtur, ‘’një kapitull të ri investimesh që krijojnë punësim dhe ekonomi,’’ praninë e 200 sipërmarrjeve të Confindustrias italiane në vendin tonë.
Nga ana tjetër, Ambasadori Italian Alberto Cutillo, ka theksuar gjatë forumit se interesi i kompanive italiane për të investuar në Shqipëri, ka ardhur në rritje.
Lexoni: https://businessmag.al/ne-fund-te-shkurtit-zbarkojne-sipermarresit-italiane/
Misioni ka karakter shumë-sektorial duke përfshirë sektorët e mëposhtëm:
(i) Infrastruktura (turizëm, spitale, burgje dhe shkolla, hekurudha, rrugë, porte dhe aeroporte, punime hidraulike dhe makineri ndërtimi);
(ii) Energjia & Green Tech (teknologji dhe komponente elektronike dhe mekanike për prodhimin, transmetim dhe shpërndarje e energjisë (Oil & Gas dhe burime të rinovueshme), hidrocentrale dhe impiante fotovoltaike, biomasa, teknologji për kursimin e energjisë, menaxhimi i mbetjeve, pastrimi dhe trajtimi i ujit dhe ajrit).
(iii) Agro-industria dhe përpunimi i ushqimit (makineri bujqësore dhe mbarështimi, teknologji për akuakulturën dhe peshkimin, teknologji dhe mjete teknike për përpunimin e produkteve të freskëta, për paketimin dhe materialet e amballazhimit, sisteme teknike për aplikimet agro-industriale, nën-furnizim për mirëmbajtjen dhe riparimin e makinerive, mbushje e shisheve, përpunim, ruajtje dhe paketim i produkteve të konservuara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
