20-vjetori i ProCredit Bank

20-vjetori i ProCredit Bank, përurohet zona e vetëshërbimit në Tiranën e Re


Zonat 24/7 janë të pozicionuara pranë çdo Agjencie ProCredit dhe klientëve të bankës iu mundësohet përdorim i shërbime bankare 24 orë, gjatë 7 ditëve të javës. E veçanta e këtyre zonave është se në to janë të vendosura pajisje të tilla të teknologjisë së lartë, të cilat ju mundësojnë të kryeni vetë një gamë të gjerë shërbimesh bankare, shpejt dhe pa u kufizuar nga orari zyrtar i bankës, apo ditët e pushimit.

Shërbimi i depozitimit të parasë është një ndër funksionet më të spikatura që ofrohet si një risi ne tregun bankar shqiptar nga kjo bankë.

Një investim kaq i madh i bankës ProCredit në teknologji, vjen si një koncept i ri bankimi për tregun bankar shqiptar, që ka ardhur si rezultat i nevojës dhe kërkesës së vazhdueshme që klientët e bankës ProCredit kishin për shërbime bankare kur për ta eshtë më e përshtatshme, pa u limituar nga orari zyrtar i bankës.

“Është kënaqësi për mua që të jem këtu dhe të konfirmoj përkushtimin e vazhdueshëm të ProCredit Holding-aksionerit të vetëm të ProCredit Bank Shqipëri dhe theksoj se “Zona 24/7” pasqyron vizionin që udhëheq punën tonë – ofrimi i shërbimeve bankare më të avancuara si dhe këshillim i vazhdueshëm financiar për zhvillimin e klientëve tanë”- thesoi Z. Borislav Kostandinov (Kryetari i Këshillit Drejtues të ProCredit Bank)

ProCredit Bank-ceremoni-businessmag

Fokusi strategjik i bankës ProCredit është forcimi i marrëdhënieve me klientët e saj nëpërmjet ofrimit të një shërbimi cilësor, të specializuar për bizneset SME. Implementimi i shërbimeve elektronike rrisin efiçencën dhe në anën tjetër të zhvillojmë dhe më tej rolin e ProCredit si Këshillues, duke siguruar që klientët të marrin këshillim profesional dhe cilësi më të mirë të shërbimeve.

Sjellja e shërbimeve bankare moderne që sjellin efiçencë dhe sigurojnë zhvillim të qëndrueshëm të bizneseve, është dhe në përputhje me misionin e bankës për zhvillimin e bizneseve vendase që ndikojnë pozitivisht dhe në zhvillimin ekonomik të vendit.

Pa diskutim që nevojat e klientëve të biznesit SME që ProCredit Bank i shërben janë shumë komplekse dhe për t’i shërbyer sipas standardeve më të larta gjermane dhe plotësuar të gjithë gamën e nevojave të tyre, kemi sjelle 19 Zona 24/7, të pozicionuara pranë të gjitha agjencive të ProCredit Bank, në qytete të ndryshme të Shqipërisë.

Këto zona janë të dedikuara për te ofruar për mbushjen e nevojave rutinë të klientëve më lirë dhe më shpejt, pa pritur në radhë, gjatë 24 orëve në 7 ditë të javës” – u shpreh gjatë ceremonisë së Inaugurimit Znj. Adela Leka (Drejtuese e Drejtorisë Ekzekutive së ProCredit Bank, Shqipëri).

ceremoni-ProCredit Bank-businessmag

Takimin e përshëndeti dhe Ambasadori Gjerman Z.Hoffmann, i cili vlerësoi kontributin e ProCredit Bank, si e vetmja bankë gjermane në Shqipëri, në sjelljen e risive në tregun bankar shqiptar. Kjo risi duhet parë si një arritje e madhe në industrinë bankare, një standard i ri i sjelljes së klientit me bankën që ProCredit Bank sjell për klientët e saj në këtë 20 vjetor të saj.

ProCredit Bank është një bankë tregtare e orientuar drejt zhvillimit. Ajo është e vetmja bankë me 100 % kapital gjerman në Shqipëri dhe që operon në vende të ndryshme të rajonit dhe Gjermani. Aksioneri i vetëm është ProCredit Holding, me qendër në Frankfurt, Gjermani. Ajo mbikëqyret nga autoritete të lata të supervizimit gjerman, Bundesbank dhe BaFin që sigurojnë besueshmërinë dhe qëndrueshmërinë e saj.

/Balkanweb/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0