15% më shumë eksporte për periudhën janar-nëntor » Business Magazine Albania – Media Dixhitale dedikuar Sipërmarrjes
Përditësuar së fundmi: 18/12/2018

15% më shumë eksporte për periudhën janar-nëntor

Share
nga Admin
Dhj 18, 2018
Business Magazine Albania constitutes an online periodical publication of business related articles. It is the first of
lexo me teper >

Ky vit pritet të mbyllet mbarë për eksportet shqiptare jashtë vendit. Edhe pse ritmi i eksporteve ka rënë muajt e fundit, kompanitë që tregtojnë jashtë arritën të rrisin në total eksportet me 15% krahasuar me një vit më parë. Sipas të dhënave të INSTAT kjo vlen për periudhën Janar-Nëntor, kur totali i eksporteve shqiptare ishte gati 290 miliardë lekë.

Prodhuesit kanë qenë të favorizuar nga kushte më të mira në tregun ndërkombëtar, pasi çmimet e lëndëve të para ishin në ato nivele (të larta) sa nxitën prodhimin.

Kjo solli rimëkëmbje të eksportit të metaleve, mineraleve etj.

Vendi vijon të eksportojë (një pjesë e mirë rieksporte pas punimit të materialeve) tekstile dhe këpucë. Tekstile-këpucë zunë mbi një të tretën e eksporteve me një vlerë 115 miliardë lekë. Megjithatë, ato patën një ritëm më të ulët rritje krahasuar me shumë grupe të tjera mallrash, duke u rritur pak më shumë se 6%.

Me një rritje të theksuar në eksporte (33%) janë mineralet, lënda djegëse dhe energjia elektrike, sipas INSTAT, me faktor kryesor rritjen e çmimeve në tregjet ndërkombëtate dhe realizimin e kontratave të shitjes.

Me një vlerë mbi 49 miliardë lekë, materialet e ndërtimit dhe metalet, shënuan po ashtu një rritje të theksuar në eksporte (prej 25%) ndaj një viti më parë. Pjesa më e madhe e eksportit të këtyre materialeve pati si destinacion tregjet fqinje në Ballkan.