Ndërtimi mbetet sektori më i preferuar, por tendencë të re këtë vit bën bujqësia, duke u renditur ndër të parat e duke ndjekur edhe tregtinë, shërbimet etj…
Në Shqipëri, numri i të huajve që kanë zgjedhur të punojnë në vendin tonë për periudhën janar – tetor 2015 u llogarit në 1,282 persona. Të dhënat e ofruara nga Shërbimi Kombëtar i Punësimit të grumbulluara përmes rrjetit të Zyrave të Punës të shtrira në të gjithë vendin tregojnë se pjesa më e madhe (rreth 65%) janë të përqendruar në rajonin e Tiranës, por edhe në Durrës, Lezhë etj.
Shërbimi Kombëtar i Punësimit bën të ditur se nga viti i kaluar për shtetasit që i përkasin zonës “Shengen”, shtetasit e Shteteve të Bashkuara të Amerikës, shtetasit e Republikës së Kosovës dhe ata të Republikës së Serbisë, por që i përkasin përkatësisë etnike shqiptare bëhet pajisja me « Vërtetim Deklarimi për Punësimim ».Për 10-mujorin 2015 janë dhënë 1,083 vërtetime për këtë kategori. Sektorët ekonomikë ku ponon kjo kategori i përkasin aktiviteteve ndërtim, shërbime, tregti, industri përpunuese, riparim automjetesh etj.
Leje pune të dhëna për herë të parë jane 860 nga të cilat 121 ose 9 % e tyre janë dhënë për shtetase të huaja femra. Ndërsa nga 1,083 “ Vërtetime Deklarimi për Punësimim” të dhëna për këtë periudhë 208 janë dhënë për shtetase të huaja femra, 820 i përkasin kategorisë së punëmarrësve, 254 të vetëpunësuarve dhe 9 vërtetime të dhëna për investitorë.Sipas Shërbimit Kombëtar i Punësimit deri tani ka rreth 15 raste te anulimit të lejeve të punës për të huajt, të cilët janë kryesisht shtetas turq.
/ACP/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
