10 rregullat kryesore të suksesit nga Rock Thomas - Business Magazine Albania

10 rregullat kryesore të suksesit nga Rock Thomas

sukses

Babeta Rexhepi, kontributor

Si autor dhe  sipërmarrës, Rock Thomas  ka ndihmuar mbi 60  milionë njerëz të fitojnë statusin e milionerit dhe ka ndihmuar shumë individë të tjerë të bëhen plotësisht të pavarur financiarisht. Ai beson se duke zbatuar këto dhjetë rregulla, gjithkush mund të arrijë të ketë sukses në jetën e tij.

Rregulli numër 1. Investoni në zhvillimin tuaj personal.

Mendja juaj është si një kopsht. Ato mendime që do të mbillni në kokën tuaj, ato do të rriten dhe lulëzojnë brenda jush. Kështu kushtojini të paktën 30 minuta në ditë zhvillimit tuaj personal duke lexuar një libër, artikuj apo video motivuese. Sa më shumë kohë t’i kushtoni zhvillimit tuaj, më shpejt do të zhvilloheni.

Rregulli numër 2. Qartësoni qëllimet tuaja

Aty ku shkon fokusi, rrjedh dhe energjia juaj. Nëse qartësoni objektivat dhe qëllimet tuaja, do e keni më të lehte për t’i ndjekur ato! Pra, filloni duke krijuar një qëllim të prekshëm, kuptimplotë dhe me një rezultat të matshëm.

Rregulli numër 3. Zhvilloni aftësitë dhe talentet tuaja

Të gjithë kemi diçka unike për t’i ofruar botës. Njerëzit e suksesshëm fillojnë duke identifikuar se çfarë duan të bëjnë dhe janë jashtëzakonisht të shkëlqyeshëm në. Ata kërkojnë të kuptojnë, praktikojnë dhe ndërtojnë vazhdimisht aftësitë, të cilat plotësojnë dhe mbështesin talentet e  tyre. Duke përdorur talentet tuaja në një mënyrë kuptimplote, jo vetëm iluminoni veten tuaj – duke përjetuar një ndjenjë të përmbushjes, por ndriçoni edhe të tjerët!

Rregulli numër 4. Dilni nga zona juaj e rehatisë

Qëllimi i këtij rregulli është t’ju motivojë që të ndërmerrni veprime. Të  shfrytëzoni dijet për të rritur produktivitetin tuaj. Për të qenë i suksesshëm, duhet të jeni në gjendje të përqendroheni pa pushim për veprime që ju ndihmojnë të realizoni qëllimet tuaja. Me fjalë të tjera hiqni dore nga rehatia dhe mos krijoni justifikime.

Rregulli numër 5. Përqendroni energjinë tuaj

Ky rregull është  i domosdoshëm në rrugën tuaj drejt suksesit. Ai ka të bëjë me disiplinimin dhe mbajtjen e qëllimit që dëshironi të arrini, gjithnjë  në mendje. Kështu kapërceni shprehjet “Unë jam i lodhur”, “Unë sot nuk mundem “,” Nuk e bëj dot sepse jashtë po bie shi” dhe orientojeni energjinë tuaj drejt qëllimit kryesor. Nëse bëni në jetë atë që është e lehtë jeta do jetë e vështirë dhe anasjelltas, nëse vendosni të ngriheni mbi lodhjen dhe dhimbjen ju pret lehtësimi.

Rregulli numër 6. Ushqeni besimet tuaja

Së pari, identifikoni besimet dhe bindjet që ju kufizojnë dhe ju shkaktojnë dhimbje. Filloni duke pyetur veten “Çfarë nuk po funksionon në jetën time? Si ndihem për këtë?” Identifikoni besimet që nuk ju shërbejnë.

Pastaj, bëni të njëjtën gjë me besimet dhe bindjet që ju japin lumturi, ju japin forcë dhe energji.

Lexo: “Mendësia për sukses”. Intervistë me Anila Bashllarin për programin e saj më të ri të zhvillimit

Rregulli numër 7. Rrisni të ardhurat tuaja

90% e njerëzve luftojnë financiarisht. Kjo është e vërtet edhe nëse ato kanë një të ardhur mujore apo fitojnë shumë para. Arsyeja është sepse shumica shpenzojnë më shumë se sa fitojnë dhe kursejnë ose investojnë shumë pak.

Rregulli numër 8. Krijoni zakone si të pasurit

Çfarë bëni para orës 8 dhe pas orës 20:00 përcakton suksesin tuaj. Njerëz të suksesshëm kanë rituale të ndryshme nga mesatarja e njerëzve, veçanërisht në mënyrën  si e  fillojnë dhe mbarojnë ditët e tyre. Këto zakone janë: konsumojnë shumë ujë, bëjnë streçing, krijojnë,  meditojnë, lexojnë dhe planifikojnë ditën e tyre.

Rregulli numër 9. Krijo mendësinë e njerëzve të suksesshëm

Parimi kryesor i njerëzve me mendësi të suksesshme është “ Si do që të jetë jeta ime unë do krijoj versionin më të bukur timin”, ndryshe nga mendësia e njerëzve mesatare që thotë” Gjërat që më ndodhin në jetë, përcaktojnë edhe fatin tim”

Rregulli numër 10. Realizoje me çdo kusht

Fituesit i realizojnë qëllimet e tyre  si do që të sfidohen në përditshmërinë e tyre. Edhe jo gjithmonë e kanë  plotësisht të qartë rrugën e suksesit në mendjen e tyre por ama ato janë gjithmonë të bindur për diçka  që “ Rruga e suksesit ekziston” Ata nxisin  besimin në vetvete dhe duke krijuar një PSE të forte, frymëzohen për të gjetur Si-në.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0