1 Vit LiveMe Show and Podcast - Business Magazine Albania

1 Vit LiveMe Show and Podcast

Kristi Kumria dhe Business Magazine festuan të enjten një vjetorin e krijimit të LiveMe Show and Podcast me një takim special. Ky takim mblodhi bashkë të gjithë të ftuarit përgjatë vitit të cilët ndanë eksperiencat e tyre në LiveMe dhe inspiruan të gjithë të rinjtë si Kristi që na ndiqnin, për të ecur përpara.

Episodi i një vjetorit i shfaqi shikuesve një prezantim të shkurtër të episodeve nga sytë e të ftuarve por edhe prapaskenat e fillimeve të këtij Show e deri në suksesin e sotëm. Gjithë emocioni filloi kur Blerina Guga, CEO e Junior Achievement prezantoi një video ku tregohej gjithë historia e Kristit, vështirësitë, sukseset dhe njerëzit e dashur të cilët e kanë mbështetur më së shumti që në vogëli. Të gjithë të ftuarit shprehën fjalët më të mira për këtë djalë me pasion, vullnet dhe guxim siç rrallë shohim. 

Lexo: A ka të ardhme për të rinjtë në Shqipëri?

Kristi u shpreh: “Mendoj dhe besoj se suksesi i LiveMe nuk janë asnjëherë numrat, por njerëzit.”

Në vazhdim të ftuarit thanë shumë fjalë motivuese jo vetëm për folësin por edhe për të gjithë djemtë dhe vajzat e reja të cilët kanë një ëndërr si Kristi. Ka shumë njerëz të cilët janë gati t’i zgjasin dorën një dëshire, siç ishin të ftuarit e kësaj të enjte, mjafton të kërkoni!

Një ndër ta është dhe Gerti Boshnjaku, themelues i revistës Business Magazine, i cili ishte ndër të parët që i hapi dyert këtij Show duke e sjellë pranë një audience më të gjerë. 

-”Unë besoj se nëse disa njerëz bëhen bashkë nuk ka gjë që mund t’i ndalë ata. Për produkte si LiveMe që duan krahë të fluturojnë, ne duhet të jemi ata që i suportojmë.”,- u shpreh Gerti për LiveMe.

Klikoni këtu për të ndjekur episodin e plotë.

-“Dëshira është i vetmi parakusht për suksesin. Kur ti ke dëshirë kërko për ndihmë dhe ndihma do të vijë.” ,- thotë sipërmarrësi Dario Hani për të përmbyllur fjalimin e tij.

Dhe me gjithë dëshirën e mirë për të përçuar energji pozitive u mbyll edhe episodi special i kësaj jave.

Për ju që e keni humbur, këtë episod mund ta ndiqni në kanalin në youtube të Business Magazine dhe të qëndroni të përditësuar në të gjitha platformat tona për më shumë episode të reja të suksesshme.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0