Volkswagen rikthehet si lideri global i prodhimit të makinave - Business Magazine Albania

Volkswagen rikthehet si lideri global i prodhimit të makinave


Për të parën herë në 5 vite Toyota ka humbur vendin e parë, si shtëpia e parë prodhuese në botë, duke i lënë kurorën Volkswagen (VW). Të dhënat i referohen vitit 2016 në tërësi dhe shtëpia prodhuesve Gjermane, pavarësisht skandalit ia ka dalë t’i “rrëmbejë” japonezëve vendin e parë.

Japonezët kanë shitur 10.1 milionë njësi gjatë vitit të kaluar, kundrejt 10.3 milionë që kanë shitur gjermanët. Pritshmëritë duket se nuk kanë zhgënjyer. Suksesi i Volkswagen në Kinë ka ulur kështu efektin negativ të Dieselgate. Nga ana tjetër, gjermanët janë ndihmuar edhe nga fakti se, japonezët janë përballur me një rënie të ndjeshme të shitjeve në Shtetet e Bashkuara të Amerikës.

Shtëpia prodhuese gjermane i ka paraprirë me 2 vite planit të saj, për t’u rikthyer si lider global, vetëm në vitin 2018. Toyota projekton shitje në 10.2 milionë njësi gjatë këtij viti. Në rast se këto projeksione do të realizoheshin, atëherë shtëpia prodhuese do të kalonte nivelin e 10 milionë njësive për të katërtin vit me radhë.

Ndër të tjera, presidenti i Toyota-së, Akyo Toyoda, pritet të takojë në fundjave kryeministrin e vendit, Shinzo Abe, i cili do të vizitojë Uashingtonin më 10 Shkurt. Duhet kujtuar se Donald Trump ka sulmuar në mënyrë të drejtpërdrejtë shtëpinë prodhuese dhe prodhuesit japonez në përgjithësi.

Burimi: gazetaekonomia.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0