“Vizitoni Shqipërinë”, artikulli i publikuar nga prestigjozja Huffington Post - Business Magazine Albania

“Vizitoni Shqipërinë”, artikulli i publikuar nga prestigjozja Huffington Post


Artikuj që ftojnë vizitorët të mos e anashkalojnë Shqipërinë, si një vend me bukuri të mëdha natyrore e ushqim të mirë, po shfaqen gjithmonë e më shumë në mediat e huaja.

Por “Huffington Post” i rikthehet temës së turizmit shqiptar me një këshillë: bëjeni këtë eksperiencë unike me një tur me biçikletë.

“Kështu do të arrini të shijoni më shumë ato çfarë vendi ka për t’i ofruar syrit. Peizazhin mahnitës dhe dramatik, plazhet që të kujtojnë rivierën franceze pa pretendime, shkëmbinjte e thepisur që ngrihen mbi det, fshatrat e ‘gdhendur’ në shpate kodrash, perëndimet e diellit që të lënë pa frymë”, shkruan autorja e artikullit, Karen Rubin.

Natyrës piktoreske dhe bregdetit të mrekullueshëm i shtohet dhe joshja kulturore e historike, për të mos folur pastaj për ushqimin fenomenal.

“Duhet të vini në Shqipëri për atë që ‘është tani’ – thotë Rubin. – Për të parë një vend, i cili ka shkundur nga supet të kaluarën torturuese. Një vend të rrethuar për dekada të tëra nga misteri, të burgosur pas një perdeje të hekurt e të izoluar nga bota e jashtme nën grushtin e një diktatori paranojak”.

“Shqipëria, ky shtet europian me shumicë myslimane, është gjithashtu vendi që e mbylli Luftën e Dytë Botërore me më shumë hebrenj nga sa kishte në fillesat e saj, sepse nën kodin e lashtë të ‘Besës’, shqiptarët i mbrojtën nga kërcënimi nazist, duke rrezikuar edhe jetët e tyre e ato të fëmijëve të tyre”.

“Shqiptarët, – vazhdon shkrimi, – e kanë traditë të hershme ndihmën për të ardhurit”.

Artikulli i gjatë e tejet i detajuar sqaron deri edhe monedhën e përdorur dhe tregon çmimet e favorshme të pijeve e ushqimeve. “Do të jetë një surprizë e këndshme për ju, – thotë autorja duke iu drejtuar vizitorëve, – kur të zbuloni sesa pak do t’iua rëndojë xhepin udhëtimi këtu, ndërsa kënaqësia që fal është e madhe”.

Burimi: top-channel.tv

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0