Trajnim "Shitja dhe Menaxhimi i tyre" - Business Magazine Albania

Trajnim “Shitja dhe Menaxhimi i tyre”


Dhoma e Tregtisë dhe Industrisë Tiranë organizon trajnimin “Shitja dhe Menaxhimi i tyre” në datat: 18-19-20 Tetor 2016.

Qëllimi i ketij trajnimi është aftësimi i pjesëmarrësve, me metodat më të avancuara, për realizimin më të mirë të shitjeve. Ai është ideuar për një aftësim të personave që përbejnë forcën e shitjes së kompanisë apo kanë interes të njohin dhe përmirësojnë teknikat e tyre të shitjes dhe komunikimit. Ky trajnim është hartuar duke simuluar aktivitetet e vërteta të komunikimit dhe shitjeve duke përdorur praktikat më të mira ndërkombëtare. Trajnimi do t’ju ndihmojë të njihni teknikat, boshllëqet në komunikim dhe përmirësimin e aftësive komunikuese. Ai gjithashtu do t’ju ndihmojë në përmirësimin e teknikave të shitjeve, në njohjen më mirë të vetvetes dhe pozicionimin në kompani, do t’ju ndihmojë në ripërcaktimin e shërbimeve (produkteve) të ofruara nga Kompania dhe në krijimin dhe mbajtjen e konsumatorëve duke theksuar gjithnjë vlerën e lartë konsumatore për gjithë shërbimet e ofruara.

Ky trajnim 3 ditor do të përfshijë skenare dhe shembuj ku, do të njiheni me parimet e shërbimit ndaj klientit, si dhe teknikat për të gjeneruar rezultatet më të mira dhe afatgjata për Kompaninë tuaj, duke i mbajtur dhe gjatë ato . Sa herë që ju i shisni dikujt një produkt ose shërbim ju bëheni përfaqësues i shërbimit ndaj klientit dhe personi të cilit po i shisni tashmë është klienti juaj. Të dish se si të përballesh me klientin në situata të ndryshme, si t’i përgjigjesh kërkesave apo shqetësimeve të tij, duke i ofruar një eksperiencë të paharrueshme, e ndihmon kompaninë të krijojë avantazhe kundrejt konkurrencës.
Ky program mbulon aftësitë kritike të shitjes, përforcimin e vazhdueshëm, menaxhimin e shitjes dhe rritjen e performancës, të cilat ata do të mund t’i aplikojnë menjëherë në jetën e tyre profesionale.

Lektor

Lektor për këtë trajnim do të jetë Dr. Leida Matja, Lektore në Universitet, Konsulente për Biznesin e BERZH dhe Drejtore e Institutit të Trajnimit dhe Manaxhimit të Ndërmarrjeve, sjell një përvojë 20 vjecare instruktimi.

Pas diplomimit në Administrim Biznesi, Leida ka punuar si Pedagoge, Trajnuese dhe Drejtuese projektesh kombëtare. Ka punuar si eksperte me KfW- Bankën Gjermane për Rindertim dhe ekspertiza e saj si Lektore është kryesisht në fushën e Marketingut dhe Shitjeve. Ka realizuar me sukses Trajnime për shitjet me mbi 1000 persona. Totali i të trajnuarve arrin më shumë se 3500 persona.
Është autore librash, studimesh dhe materialesh trajnimi.

Kujt i drejtohet ky Trajnim?

Ky Trajnim, u drejtohet të gjithë atyre që punojnë në fushën e marketingut dhe të shitjeve, të cilët dëshirojnë, të zhvillojnë aftesitë e tyre të komunikimit me njerëzit, përmirësojnë ndikimin dhe rritin efektivitetin e shitjeve dhe të rrisin performancën në Kompani.

Për çdo informacion tjetër:

Kontaktoni
************************************
Ornela Sulce
Kordinatore Trajnimesh
Dhoma e Tregtisë & Industrisë, Tiranë
Rr: Kavajës, nr.6, Tiranë/Shqipëri
Tel: + 355 (0) 45 800 934
Cel: + 355 (0) 69 554 2443
E-mail: ornela_sulce@cci.al
Website: www.cci.al
************************************

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0