Tatimet, me faqe të re web-i, e cila është më funksionale se e para - Business Magazine Albania

Tatimet, me faqe të re web-i, e cila është më funksionale se e para


Me fillimin e vitit 2017, tatimet duket se kanë nisur një ‘erë’ të re të komunikimit me taksapaguesit. Drejtoria e Përgjithshme e Tatimeve ka prezantuar së fundmi një faqe tërësisht të re të përshtatur sipas shërbimeve të ofruara. Nga kjo drejtori bëhet e ditur se përmes kësaj faqeje synohet që t’u shërbehet më mirë dhe më shpejt tatimpaguesve.

Individët, sipërmarrësit, por edhe organizatat jofitimprurëse dhe entet publike do të mund të gjejnë informacione utilitare, siç janë afatet për kryerjet e pagesave, sqarime për të gjitha taksat që paguhen informacionet e nevojshme për secilën prej tyre. Gjithashtu gjendet edhe informacion në lidhje me shërbimet që merren nga këto kategori në mënyrë elektronike, për të kursyer sa më shumë kohë.

Në këtë faqe është vendosur edhe një numër i dedikuar ku tatimpaguesit mund të bëjnë denoncimet e tyre për çdo abuzim apo shkelje që konstatojnë.

Së fundmi, tatimet miratuan edhe “Strategjinë për periudhën 2017-2021”, e cila parashikon që në pesë vitet e ardhshme të vijojë përmirësimi i shërbimeve të ofruara ndaj tatimpaguesit, duke u mbështetur në modelin e përmbushjes vullnetare.

Sipas tatimeve do të punohet paralelisht edhe për aplikimin e sistemeve matës të performancës, në të gjithë nivelet dhe për të gjithë funksionet administrative, të cilët do të jenë edhe treguesi për të ndërhyrë në kohë reale në të gjithë komponentët e sistemit.

Që kur erdhi në krye të tatimeve, rreth dy muaj më parë, drejtoresha e re, Vasilika Vjero, ka zgjatur dorën për të bashkëpunuar me tatimpaguesit duke çuar fillimisht inspektorët tatimorë, të cilët do të japin këshilla.

“Administrata tatimore, në vijim të klimës së bashkëpunimit me tatimpaguesit, si dhe me qëllim zbatimin e ligjit nga këta të fundit, dëshiron të theksojë, që do të vijojë një proces të qëndrueshëm të komunikimit me ta”, thuhet në një njoftim të posaçëm të Drejtorisë së Përgjithshme të Tatimeve.

Në njoftim thuhet se ky proces i nisur kohë më parë, do të vijojë në mënyrë të përditshme, me prezencën e administratës dhe inspektorëve tatimorë pranë çdo subjekti tregtar, me qëllim, dhënien e udhëzimeve të vazhdueshme në lidhje me përdorimin e kasës për çdo veprim të kryer nga subjektet dhe për procesin e mbylljes së pajisjes fiskale në përfundim të orarit të aktivitetit.

Përmirësimi i performancës në raport me ligjin për detyrimet e tatimpaguesve, është një detyrim i administratës tatimore, ashtu sikundër, ky proces këshillimi, bën me dije këdo të interesuar, se në rast konstatimi aktesh korruptive apo sjelljesh joetike të punonjësve të Administratës Tatimore, të njoftojnë në adresën: denoncime@tatime.gov.al ose të telefonojë në numrin jeshil pa pagesë 0800 14 14.

Tatimet kanë nisur ndërkohë dhe kontrollet mbi bazë risku në bazë të të cilës do të identifikojnë subjektet potenciale që kryejnë evazion, ndërsa bizneseve u është dhënë mundësia të vetëkorrigjohen.

burimi: monitor.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0