Tashmë me aplikacionin më të ri të Google prindërit mund të kontrollojnë sesi fëmijët përdorin telefonin - Business Magazine Albania

Tashmë me aplikacionin më të ri të Google prindërit mund të kontrollojnë sesi fëmijët përdorin telefonin


Ditët e sotme mund të bëni çfarë të doni me një smartphone.

Kjo është një gjë e mirë në përgjithësi, por ama ndryshon puna kur bëhet fjalë për fëmijët.

Teknologjia sot i ka ekspozuar fëmijët ndaj gjërave që nuk duhen.

Aplikacioni i ri në Android, Family Link po synon që ta zgjidhë këtë problem.

Ky aplikacion i lejon prindërit që të krijojnë një llogari Google për fëmijët e tyre dhe nga aty ata mund të monitorojnë se cilat aplikacione mund të përdorin dhe për sa kohë.

Ajo çfarë duhet të bëni është që fëmija të ketë një pajisje Android me sistemin Android 7.0 Nougat ose më shumë. Gjithashtu aplikacioni duhet të shkarkohet në pajisjen e tyre dhe të krijojnë një llogari për fëmijën e tyre.

Sapo të bëhet kjo, prindërit mund të përzgjedhin se cilat aplikacione nuk duhet të përdorë fëmija i tyre.

Prindërit mund të shikojnë ekzaktësisht sesa minuta shpenzon fëmija i tyre në çdo aplikacion, madje mund të marrin një raport të përjavshëm dhe mbi të gjitha mund të vendosin ata vetë se sa kohë i lejohet çdo fëmije që të përdorë telefonin.

Google shprehet sipas burimeve se ky aplikacion është për fëmijët nën 13 vjeç.

 

/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0