Tableti që do të zëvendësojë letrën - Business Magazine Albania

Tableti që do të zëvendësojë letrën


Letra si material na sjell shumë të mira materiale. Ka vite që na shërben, përdoret për shumë produkte me rëndësi dhe ka kosto të vogël. Por dhe ky produkt kaq i “përkryer” ka të metat e tij: letra mund të griset lehtë, është e rëndë dhe kërkon hapësirë të konsiderueshme. Kompania reMarkable mendon që ka ardhur koha që letra të “dalë në pension” dhe të zëvendësohet nga “letra-tablet”.

Pajisja reMarkable është një tablet që funksionon me teknologjinë E ink (Electronic ink që do të thotë bojë elektronike). Kjo pajisje mund të përdoret si bllok shënimesh i zakonshëm, ose thënë më mirë si disa blloqe shënimesh të ndryshme, por me përfitimin që do të “peshojnë” shumë herë më pak dhe nuk do dëmtojmë nënën natyrë. Kompania reMarkable po përdor teknologjinë “ultra high friction” e cila do përdorë disa materiale të cilat do t’u japin përdoruesve ndjesinë e të shkruajturit në letër të vërtetë.

Por, edhe pse në pamje të parë duket si teknologji shumë ndihmëse, ajo do jetë shumë minimaliste në shërbimet që do të ofrojë. Në këtë tablet do mund të ruhen vetëm dokumente PDF, e-books si dhe dokumete të thjeshta që do përdoren si faqe për të shkruajtur apo për të bërë skica të ndryshme. Kompania ka treguar kujdes dhe për përmasat e tabletit, duke i bërë të ngjashme me ato të një letre tradicionale, në mënyrë që përdoruesi të ndihet sa më rehat me këtë produkt.

Kjo tentativë, përveçse është e para e këtij lloji për të zëvendësuar letrën, duket dhe një nga më të mirat në çështjet e mjedisit deri më tani. Dhe si shpesh herë, i mbetet përdoruesit final të vendosë nëse kjo teknologji do ketë sukses dhe nëse do arrijë ta “nxjerrë në pension” letrën dhe bashkë me të blloqet dhe fletoret e panumërta të shënimeve.

/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0