Shqipëria nominohet për t'u bërë pjesë e trashëgimisë botërore natyrore - Business Magazine Albania

Shqipëria nominohet për t’u bërë pjesë e trashëgimisë botërore natyrore


Bashkimi Ndërkombëtar për Ruajtjen e Natyrës (IUCN) po shqyrton nëntë nominime të Trashëgimisë Botërore me kritere natyrore, duke përfshirë dy zgjerime dhe shtatë vende të reja, të cilat janë propozuar për vitin 2017.

Shqipëria është në mesin e vendeve të përzgjedhura bashkë me Austrinë, Belgjikën, Bullgarinë, Kroacinë, Italinë, Rumaninë, Spanjën dhe Ukrainën.

IUCN bën rekomandime nëse një vend duhet të jete në Listën e Trashëgimisë Botërore apo jo, si organi zyrtar këshillues për natyrën në Komitetin e Trashëgimisë Botërore.

Rekomandimet e IUCN do të jepen katër deri në gjashtë javë përpara takimit të Komitetit të Trashëgimisë Botërore të UNESCO-s, i cili zhvillohet nga 2 deri më 12 korrik në Krakov të Polonisë.

Emërimet propozohen me mbishkrimin në Listën e Trashëgimisë Botërore nga shtetet palë që kanë ratifikuar Konventën e Trashëgimisë Botërore të vitit 1972 , një instrument unik i ruajtjes së trashëgimisë natyrore dhe kulturore. Si organ këshillë dhënës për natyrën sipas Konventës, IUCN është përgjegjëse për vlerësimin e të gjitha nominimeve që përmbajnë kritere natyrore.

Procesi i vlerësimit ka përfshirë misionet në terren si dhe konsultimet në nivel ndërkombëtar, rajonal dhe lokal. IUCN u konsultua gjerësisht me ekspertë, të cilët kanë njohuri përkatëse të vendeve apo vlerave natyrore që ata përfaqësojnë.

Paneli i Trashëgimisë Botërore i IUCN-së është thelbësor për këtë proces. Ai mblidhet çdo vit për të ofruar këshilla teknike dhe shkencore për IUCN-në në punën e saj mbi Trashëgiminë Botërore, duke siguruar cilësinë më të lartë të rekomandimeve që i janë dhënë Komitetit të Trashëgimisë Botërore.

burimi: lajmifundit

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0