Shkencëtarët krijojnë diellin më të madh artificial në botë - Business Magazine Albania

Shkencëtarët krijojnë diellin më të madh artificial në botë


Shkencëtarët në Gjermani po krijojnë një diell artificial. Në tërësi sistemi është i përbërë nga 149  drita të mëdha, të cilat përbëjnë së bashku strukturën e njohur si “Synlight“. Në mënyrë individuale ato janë llamba xenon të përdorura si në projektuesit e kinemave, të cilat kur vendosen në punë simulojnë rrezet e diellit.

Ky sistem prodhon një dritë me intesitet 10,000 herë të rrezatimit diellor që bie natyrshëm në Tokë.

Një dritë e tillë është një furnizim i rrallë në Gjermani në këtë kohë të vitit. Pra, shkencëtarët janë në gjendje ta simulojnë atë dhe kështu të testojnë mënyra të reja për të krijuar dritë me burime të pastra të energjisë.

Krijimi i kushteve të tilla – me temperaturë mbi 3000°C – është çelësi për mënyrat e testimit për të krijuar hidrogjenin, sipas Bernhard Hoffschmidt, drejtor i institutit DLR për kërkimet diellore.

Shumë e konsiderojnë hidrogjenin si lëndën e së ardhmes, sepse nuk prodhon emetim të karbonit kur digjet dhe normalisht nuk shton problem në ngrohjen globale.

Hidrogjeni është elementi më i zakonshëm në univers, por gazi i hidrogjenit i pakombinuar me elemente të tjera është relativisht i rrallë në Tokë. Një nga mënyrat e prodhimit të tij është ndarja e ujit në komponentët e tij duke përdorur elektricitet në një proces të quajtur elektrolizë.

Eksperimenti është i vendosur në një dhomë, e cila mbrohet nga rrezatimi që të mos shkaktohen probleme të ndryshme.

Qëllimi është përdorimi përfundimisht i dritës së diellit më tepër se dritën artificiale të prodhuar në eksperiment, i cili kushton 3 milionë paund për t’u ndërtuar dhe kërkon katër orë më shumë energji se sa mund të përdorë në një vit një familje me 4 persona.

Hoffschmidt pranoi se hidrogjeni nuk është pa probleme – ai është një gaz shumë i paqëndrueshëm – por duke e kombinuar me monoksidin e karbonit e prodhuar nga burimet e rinovueshme, shkencëtarët do të jenë në gjendje të bëjnë edhe karburant miqësor ndaj natyrës për industrinë e aviacionit.

burimi: independent.co.uk

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0