Rough Guide rekomandon sërish Shqipërinë, e pesta në listën e 10 destinacioneve për 2016 - Business Magazine Albania

Rough Guide rekomandon sërish Shqipërinë, e pesta në listën e 10 destinacioneve për 2016


Ata që do të shkojnë, do të gjejnë trashëgimi botërore të mbrojtura nga UNESCO, si qytetin antik grek të Butrintit, plazhe të praruara në bregdetin jonian, liqene madhështore malore, arkitekturë otomane dhe vendas miqësorë që ju orientojnë në drejtimin e duhur për ta zbuluar. Bëjeni këtë udhëtim përpara se bota të kuptojë se çfarë po humbet…

Pasi “ Rough Guide” e sugjeronte Shqipërinë si një zgjedhje ideale për të bërë plazh kompania turistike britanike e ka përfshirë vendin e shqiponjave në listën e 10 destinacioneve më të mira për t’u vizituar në 2016-n.
Shqipëria renditet e pesta, pas Nepalit, Kolumbisë, Kubës, Jordanisë. Pas Shqipërisë vijnë Rumania, Salvatori, Uellsi, Kenia dhe lista mbyllet me Sri Lankën.
Për Shqipërinë, Martin Zatko, një bashkëautor guidash thotë “Duhet t’i bëni një vizitë këtij cepi tërheqës të Europës, përpara se të fitojë popullaritetin që meriton”.
Në përshkrimin që i bëhet Shqipërisë thuhet: “Ndërsa vendet fqinjë Greqia dhe Kroacia kanë një turizëm të zhvilluar, Shqipëria mbetet një nga vendet më misterioze. Por, ata që do të shkojnë, do të gjejnë trashëgimi botërore të mbrojtura nga UNESCO, si qytetin antik grek të Butrintit, plazhe të praruara në bregdetin jonian, liqene madhështore malore, arkitekturë otomane dhe vendas miqësorë që ju orientojnë në drejtimin e duhur për ta zbuluar. Bëjeni këtë udhëtim përpara se bota të kuptojë se çfarë po humbet”.
Në videon që shoqëron artikullin jepen pamje të jetës së përditshme nga Shqipëria, si një stacion treni, apo një familje rome, një burrë duke shitur misra, disa pleq duke pirë në lokal, por dhe atraksione historike si Kalaja e Krujës, statuja e nënë Terezës, rrënojat antike të Durrësit, bjeshkët shqiptare me natyrën mahnitëse, tavolinat plot me ushqime tradicionale, ndërsa video mbyllet me Beratin në mbrëmje.

/Monitor/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0