Rexhep Rexhepi, ka tërhequr vëmendjen e revistës prestigjioze që mbulon të rejat nga industria e orave, “Wrist Watch”.
Pas një rrugëtimi të gjatë arritjesh në këtë sektor, në moshën 25 vjeçare ai e ndjeu se kishte ardhur koha tij, për të themeluar markën e vet të orave, “Akrivi A”.
“Gjëja e parë që të bie në sy kur shikon nga afër një orë te “Akrivi A” në metal, nën një lupë, është niveli ekstremisht i lartë i shkëlqimit. E gjithë ora duket se shndrin, nga brenda -jashtë në një mënyrë që duket sikur të flet, si rezultat i dritës që shndrin nga të gjitha sipërfaqet e lëmuara”-shkruan revista prestigjioze “Wrist Watch” për prodhimet e Rexhepit.
Bëhet fjalë për një djalë të ri nga Kosova që ka arritur të ngrejë një sipërmarrje të tij të prodhimit të orave në Gjenevë por jo vetëm.
Rexhepi ka arritur që prodhimet e tij ti ekspozojë në kryeqytetet më të mëdha të botës.
“Unë nuk jam personi që mund të revolucionarizojë industrinë e orëve, për mua është e gjitha rreth traditës. Por kjo nuk do të thotë se unë nuk kam asgjë të re për të sjellë në tavolinë”-thotë Rexhepi për revistën.
Në moshën 14-vjeçare ai filloi profesionin e tij në firmën prestigjioze “Patek Pilippe”. Por, pasioni i tij për orat ka filluar shumë herët, qëkur jetonte në Kosovë.
Rexhepi tregon momentin kur pa për herë të parë një orë dore, orën e babait të tij.
“Mbaj mend se ishte një orë Tissot. Në atë kohë babai im punonte në Zvicër dhe çdo herë që na vizitonte në Kosovë, unë e merrja orën e tij dhe dëgjoja tik-takun e saj. Disa herë përpiqesha ta hapja, por nuk arrija. Në fakt, vetëm sa arrija ta gërvishtja orën”.
Rexhepi thotë për revistën se “një pikë e rëndësishme për mua është se një orë duhet gjithmonë të mbetet e lëmuar, sepse vetëm në këtë mënyrë mund të bëhet një objekt i përjetshëm për të ardhmen, jo subjekt i ndryshimeve në stil”.
burimi: ekonomiaonline
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
