Reception App lançohet në SAN FRANCISCO me objektiva global! - Business Magazine Albania

Reception App lançohet në SAN FRANCISCO me objektiva global!


Albi Zhulali është një sipërmarrës, i cili e nisi karrierën e tij në industrinë e teknologjisë në moshën 15 vjeçare. Shumë shpejt ai krijoi një forum ndërkombëtar, që vizitohej nga qindra dhe mijëra ndjekës nga e gjithë bota. Në moshën 17 vjeçare, Albi themeloi kompaninë e tij të parë për zhvillimin e faqeve të internetit për disa nga kompanitë më të mëdha në Shqipëri. Ai ështe themelues i Pinguin Technology dhe i Startups.al.

Albi ka aftësi shumë të mira negociuese, aftësi të përsosura nga përvoja e tij në tregun e pasurive të patundshme. Ai është i njohur për aftësitë e tij krijuese dhe njohuri të gjera të web design dhe gjithashtu për aftësitë e tij sipërmarrëse.

Aktualisht, ai është CEO dhe themelues i Softmogul (www.softmogul.com) një kompani e inkorporuar kohët e fundit me misionin për t’a bërë akomodimin në hotel më të lehtë dhe për të ndryshuar mënyrën se si funksionojnë hotelet.

BM: Pamë në Facebook që keni hedhur në App Store – Aplikacionin Reception App. Çfarë është Reception App?

A: Reception App është aplikacioni i parë në treg, i cili të lejon menaxhimin e hotelit nga një tablet. Çdo gjë: duke filluar nga check-in dhe check-out, menaxhimin e klientëve, raporteve, proçesimin e pagesave e shumë funksione të tjera.

BM: Kujt i shërben? Cili është tregu që ju synoni?

A: Reception App është vetëm një nga shërbimet e platformës së Softmogul. Kjo është një platformë, e cila i shërben menaxherëve dhe pronarëve të hoteleve si dhe recepsionistëve.

Me anë të Softmogul, menaxhimi i hotelit ka një njohje më të mire të klientëve me anë të raporteve të ndryshme që mund të gjenerojnë në faqe, të të ardhurave, taksave që duhet të paguajnë si dhe shumë raporte të tjera më të thella që do i hynin në punë kujtdo që ka ose menaxhon një hotel.

/Artikulli u publikua më parë në faqen 12 të numrit 12 të revistës Business Magazine Albania. Ju mund të Shfletoni Këtu nr. 12 të saj.

BM: Sa kohë keni që punoni me projektin? Sa % të objektivit e keni arritur deri tani me punën tuaj?

A: U bë më shumë se 1 vit që kur më ka ardhur ideja për Softmogul, është dashur kohë e gjatë që ideja të piqej në një plan biznesi konkret. Nuk kemi 2 javë që kemi dalë në treg dhe kemi filluar të implementojmë Softmogul në hotelet e para.

Jam shumë i kënaqur nga reagimet e hoteleve kur shikojnë platformën tonë, reagimi i parë është sa e thjeshtë që është për t’u përdorur. Nuk ka gjë më të bukur se të shohësh klientët të pëlqejnë produktin tënd pasi ke punuar me kaq përkushtim për t’a ndërtuar. Nuk mund të them me saktësi sa % kemi arritur pasi kërkesat rriten gjithmonë, por mund të them se kemi krijuar një produkt fantastik dhe tani duhet të krijojmë një biznes rreth tij.

BM: Ju po punoni për një produkt “Jo për Shqipëri, që nuk ka treg këtu” Sa e vështirë është kjo? Në Shqipëri nuk është nevojë aplikimi juaj? Apo është mendësia që mungon? Çfarë mungon?

A: Ne jemi një kompani e regjistruar në Shtetet e Bashkuara dhe të punosh në tregun global është shumë e vështirë, jemi në hapat e parë dhe gjatë një dite pune të dalin jashtëzakonisht shumë të papritura, duhet të dish të vendosësh prioritete dhe të jesh ok edhe nëse gabon.

Në zyrë punojmë jashtëzakonisht shumë, çdo ditë jave mbi 10 orë në ditë pra më shumë se 70 orë në javë. Ne e duam tregun Shqiptar dhe nuk mendoj se është mendësia ajo që na mungon pasi ne mësohemi shumë shpejt me gjërat e reja. Ne duam që produkti jonë kur ofrohet në një treg të ketë të gjithë funksionet që ne kemi implementuar dhe për fat të keq në Shqipëri kjo gjë nuk është e mundur për momentin. Ka akoma shumë mungesa në teknologjinë e pagesave dhe klientët tanë nuk do mund të pranonin pagesa nëpërmjet tabletit të tyre.

BM: Do sugjeronit që këtë rrugë të ndjekin të gjithë ata që kanë ide të bukura? Të synojnë objektiva të mëdha? Të kërkojnë te “Go Global”?

A: Së pari duhet analizuar ideja nëse është diçka unike, e cila zgjidh një problem që nuk po zgjidhet nga kompani të tjera, nëse rasti është i tillë sugjerimi im do të ishte të ndërtonin produktin në Shqipëri pasi kostot janë shumë të ulta krahasuar me vendet e zhvilluara. Global nuk shkon dot që ditën e parë, si fillim duhet të zgjedhësh tregun në të cilin do të fillosh, të bëhesh i pari i atij qyteti, shteti e më pas fillon e zgjerohesh në shtete të tjera, vetëm kështu mund të shkosh global.

BM: Cilat janë hapat e radhës? Kur do kemi lançimin e radhës dhe ku?
A: Hapi i radhës është të zhvillohemi në tregun Amerikan. Siç e thashë dhe më parë duhet zgjedhur një treg ku duhet filluar dhe ne kemi zgjedhur San Franciscon, pasi kemi marrë treg mjaftueshëm aty. Plani jonë është të zhvillohemi në Kaliforni e më pas në të gjithë SHBA-në dhe Europën.

Klikoni këtu për të parë një prezantim të Albi Zhulalit.

eb5d6615

/Artikulli u publikua më parë në faqen 12 të numrit 12 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 12 të saj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0