Qëllimi i Projektit është të mbështesë plane të qëndrueshme biznesi të krijuara nga gratë në Tiranë, të cilat janë të afta që të mbijetojnë në një treg konkurrues. Proçesi i përzgjedhjes së aplikantëve ka si qëllim të ofrojë transparencë dhe konkurrencë të barabartë si dhe të mbështesë idetë dhe planet e biznesit më të mira, të veçanta, fitimprurëse dhe që garantojnë rezultate të qëndrueshme. Përveç mbështetjes në formë granti, Projekti do të ofrojë gjithashtu trajnim për aftësitë në biznes si dhe mbështetje duke ndihmuar gratë me orientime profesionale dhe kualifikime për të qenë të suksesshme në fushën e përzgjedhur.
Projekti do të zbatohet në të gjithë territorin e Bashkisë së Tiranës
Qëllimi i projektit është të japë një mbështetje hap pas hapi për idetë e biznesit që kanë mundësinë më të madhe për të pasur sukses dhe për të tejkaluar barrierat e ndryshme të tregut. Fondi total i projektit në vitin 2016 është 6 milionë lekë. Projekti ofron asistencë me grante nga 280.000 lekë deri në 420.000 lekë, për çdo plan biznesi të zhvilluar me sukses që është miratuar gjatë proçesit të përzgjedhjes, së bashku me asistencë këshillimore deri në dy vjet pas fillimit të zbatimit të planit të biznesit.
Formulari për të aplikuar dhe më tepër informacion gjendet në faqen e Bashkisë së Tiranës
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
