Panairi i Shtutgartit, interes në rritje për stendën shqiptare - Business Magazine Albania

Panairi i Shtutgartit, interes në rritje për stendën shqiptare


Grupi polifonik i Himarës i cili ndodhet si pjesë e panairit të Shtutgartit në Gjermani, po tërheq vëmendjen e të gjithë vizitorëve, duke treguar një pjesë të vlerave të mëdha folkloristike që vendi ynë ka.

Pjesë e grupit të Shqipërisë janë dhe përfaqësues nga TID Kruja-Zona për Zhvillimin e Turizmit ku prezantuan live mënyrën e punimit të një qelesheje, e cila është një nga elementët karakteristike të kësaj zone dhe jo vetëm.

Ky demostrim, sipas burimeve nga Agjencia Kombëtare e Turizmit, tërhoqi mjaft vizitorë në stendën shqiptare, ku jo vetëm e shijuan por dhe në mënyre simbolike ishin pjesë e këtij demostrimi dhe me vendosjen e qelesheve të cilat u shpërndanë posaçërisht për ta.

Të gjithë vizitorët morën dhurata simbolike nga Shqipëria, qeleshe, shaje të ideuara dhe kravata me brandin Go Your Own Way, albume fotografike ku të gjithë mund të njihen me vendet e mrekullueshme që Shqipëria ka, nëpërmjet fotos dhe sigurisht materialet informuese ku mund të marrin informacion të detajuar.

Duke ditur rëndësinë e këtij Panairi, sigurisht që ishin përgatitur materiale të veçanta për të gjithë vizitorët që do të ishin pjesë e saj. Pjesë e stendës së Shqipërisë ishte dhe këngëtarja e mirënjohur Benita Pula rezidente në Shtutgart, e cila u ftua për të performuar këngë të zonave të ndryshme të Shqipërisë. Ajo do të jetë pjesë e stendës së Shqipërisë dhe në tre ditët në vijim. Stendës së Shqipërisë ju bashkua dhe Rezzo Schlau, konsull nderi i Republikës së Shqipërisë në Landin e Badenwytenberg.

Schlau në fjalën e tij e cilësoi Shqipërinë si një destinacion turistik, i cili duhet vizituar patjetër. Gjithashtu ai cilësoi se për vite me rradhë Shqipëria ka qenë vend i izoluar, por në fakt ai tani ofron shumë, pasi laget nga detet Adriatik dhe Jon dhe mos të harrojmë pjesën e maleve e cila është një mrekulli natyre e paprekur e Shqipërisë. Njerëzit janë shumë mikpritës dhe shtëpia i takon mikut. Fjala e tij ishte mjaft mbresëlenëse dhe tërhoqi vëmendjen e të gjithë vizitorëve.

Gatimet Tradicionale nuk munguan në stendën e Shqipërisë nga shef Sokol Prenga ku i ftuar me të ishte dhe Erion Gumeni, shef guzhine në një nga restorantet më të mira në Shtutgart. Drejtori i Agjencisë Kombëtare të Turizmit, Ardit Çollaku realizoi disa takime mjaft me rëndësi, ku ndër to ishin me Christlicher Digest, redaktor i gazetës DasfamilienMagazine, Martin Ludwig përfaqësues i Albatros Luftwerbung, Sylvia Wurm manaxher nga Travel Zoo, takime këto të cilat kishin në fokus promovimin e turizmit shqiptar si destinacion turistik.

panairi-i-shtutgartit-interes-ne-rritje-per-stenden-shqiptare-business-mag

Shqipëria, për herë të parë bëhet partner në një panair ndërkombëtar turizmi dhe kjo u realizua pikërisht në një ndër panairet më të mëdhenj në Europe dhe në një ndër vendet më të zhvilluara në Europë.

Burimi: ata.gov.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0