Organizohet Konkursi Kombëtar “Startup Albania 2017” për mbështetjen e sipërmarrësve të rinj - Business Magazine Albania

Organizohet Konkursi Kombëtar “Startup Albania 2017” për mbështetjen e sipërmarrësve të rinj


Delegacioni i BE-së në Shqipëri përmes Rrjetit të Informimit të BE-së në bashkëpunim me Ministrinë e Inovacionit dhe Administratës Publike dhe AIDA-n, shpallën 5 fituesit për startup-in dhe sipërmarrësit e rinj, pjesëmarrës në Konkursin Kombëtar Startup Albania 2017.

Startup Albania 2017 synon të forcojë klimën e biznesit duke mbështetur inovacionin dhe teknologjinë si elementë kyç në zhvillimin e biznesit, me një fokus të veçantë tek të rinjtë.

Konkursi Kombëtar Startup Albania 2017 u lançua me 1 Mars 2017 dhe morën pjesë 77 aplikantë, sipërmarrës të rinj inovatorë dhe sipërmarrje të sapo regjistruara. Aplikimet i përkasin fushave dhe sektorëve të ndryshëm duke përfshirë turizmin, teknologjinë e informacionit, biznesin social, bujqësi etj.

Në ceremoninë e ndarjes së çmimeve Ambasadorja Romana Vlahutin, shefe e Delegacionit të BE-së në Shqipëri theksoi se, iniciativa të tilla inkurajojnë sipërmarrësit e rinj dhe u ofrojnë atyre të konkurojnë në tregjet europiane.

Ajo nxiti pjesëmarrjen e më shumë grave dhe vajzave në mjediset e biznesit të teknologjisë dhe inovacionit. Ndërsa shprehu mbështetjen për idetë inovatore si faktorë të zhvillimit.

Ekosistemi i Startup në Shqipëri është në fillesat e tij dhe ka nevojë për mbështetje, trajnime dhe financime. Konkursi Kombëtar i Startup Albania 2017 u organizua në kuadër të aktiviteteve të javës së Europës dhe synon të konribuojë në zhvillimin e këtij ekosistemi në Shqipëri.

Burimi: ata.gov.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0