Sipas Ministres kodi i ri do të hyjë në fuqi më 15 Dhjetor, i cili do t’i garantojë shtetit më të ri Europian të drejta të plota në Unionin Ndërkombëtar të Telekomunikacionit si çdo shtet tjetër anëtar.
Bisedimet për akordimin e një kodi telefonik shqiptarëve të Kosovës datojnë që nga 2014-ta dhe afatet e implementimit të tij ishin subjekt i vazhdueshëm ndryshimesh si rezultat i mos rënies dakord me Beogradin.
Muajt e fundit me ndërmjetësimin e Bashkimit Europian, bisedimet kaluan në një nivel tjetër duke hapur kështu rrugë për vënien në funksion të kodit +383 njëherë e mirë në Kosovë.
Çfarë përfitojnë shqiptarët e Kosovës?
Në një intervistë ekskluzive muajin e kaluar më Kryetarin e ARKEP, z. Gashi vuri theksin tek rëndësia e të patur një kod telefonik shtetëror, i cili do t’u garantonte qytetarëve konkurrencë në nivel të shërbimeve.
“Me implementimin e kodit të ri unik, do të eleminohen pengesat e krijuara nga mungesa e tij, respektivisht përdorimi i tri kodeve të ndryshme (aktualisht +377, + 386, dhe +381), të cilat e kanë bërë të pamundur implementimin e disa mekanizmave të rëndësishëm, të cilët garantojë mbrojtje të konkurrencës në nivel të shërbimeve të komunikimeve elektronike si p.sh. Portabiliteti apo bartshmëria e numrave,” shpreh Kreshnik Gashi.
Pritet që faza e implementimit, e cila do të fillojë më 15 Dhjetor të zgjasë deri në 18 muaj. Mungesa e një kodi telefonik mendohet t’i ketë kushtuar shqiptarëve të Kosovë deri në 220 milionë Euro.
burimi: Pc-World
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
