LinkedIn sjell ridizenjimin e parë të faqes pas 14 vitesh - Business Magazine Albania

LinkedIn sjell ridizenjimin e parë të faqes pas 14 vitesh


LinkedIn më në fund ka pranuar se website-i i rrjetit social profesional ka qenë i tmerrshëm me një dizajn tejet konfuz dhe të çrregullt.

Ditën e Enjte LinkedIn, tashmë në pronësi të Microsoft lançoi një dizajn të ri të shumëpritur në site-in desktop duke na dhënë ndjesinë e aplikacionit mobile.

Është interesante të mësojmë se ky është ridizenjimi i parë masiv i site-it që nga fillesat e tij në 2003. Shumica e njerëzve do të shohin dizajnin e ri menjëherë ndërsa të tjerë mund të presin me javë që të mbërrijë.

Me një pamje prej aplikacioni, një eksperiencë e re komunikimi dhe funksionalitete të avancuara kërkimi, dizajni i ri vjen 1 vit pas ridizenjimit të aplikacioneve mobile.

Elementët e ndërfaqeve janë reduktuar ndjeshëm në vetëm shtatë zona navigimi: Home, Messaging, Jobs, Notifications, Me, My Network dhe Search. Dy prej ndryshime më të rëndësishme të dizajnit të ri janë mesazhet private dhe publike.

Komunikimi privat është një pjesë shumë e rëndësishme e LinkedIn. Tashmë mund të komunikoni drejtpërsëdrejti nga faqja kryesore përmes një dritare të përkohshme pa qenë nevoja të drejtoheni në një faqe tjetër.

Së bashku me këtë veçori po vinë edhe robotët e komunikimit të cilët do të asistojnë përdoruesit gjatë një bisede. Furnizuesi i lajmeve do të mbushet me algoritma të cilët sugjerojnë përmbajtje organike por edhe të sponsorizuar.

Përmbajtjet organike konsistojnë kryesisht në sugjerime për të ndjekur më shumë njerëz si dhe përmbajtje të përzgjedhura nga LinkedIn. Në thelb të dizajnit të ri qëndron angazhimi i përdoruesve dhe mbajtja e tyre në site për një kohë sa më të gjatë.

Mbi të gjitha do të gjeni një kuti universale kërkimi për njerëzit, punët, kompanitë, grupet dhe shkollat.

Burimi: pcworld.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0