Përditësuar së fundmi: 19/04/2017

Konferenca vjetore F8 e Facebook: Cilat janë risitë që do të sjellë kompania?

nga Fiorela Jaupi
Pri 19, 2017
Studied at Faculty of Economy, Master of Science in Marketing. Content Editor at Business Magazine Albania
lexo me teper >

Konferenca vjetore e Facebook, F8 u zhvillua në datat 18 dhe 19 Prill 2017 dhe kompania ndau vizionin e saj për të ardhmen e VR (realiteti virtual), imazhet 360°, robotët në Messenger dhe më shumë.

Në konferencën F8 të këtij viti, Zuckerberg tregoi planin ambicioz të kompanisë 10 vjeçare, e cila u zbulua së pari në vitin 2016.

Mark Zuckerberg dëshiron të largojë të gjitha ekranet nga jeta juaj me syze të posaçme.

Nëse CEO i Facebook, Mark Zuckerberg do ndjek këtë rrugë, ju nuk do të blini më kurrë një pajisje me ekran.

Në vend të kësaj, ju do të përdorni një palë syze zmadhuese për të parë realitetin apo edhe lente kontakti në të ardhmen në mënyrë që të vendosni përmbajtje dixhitale në krye të çdo sipërfaqe.

konferenca-vjetore-f8-e-facebook-cilat-jane-risite-qe-do-te-sjelle-kompania-business-mag

Në një nga fjalimet kryesore në konferencën vjetore F8 Facebook, Zuckerberg tha se ndërsa kompania është duke përqëndruar përpjekjet e saj të AR në kamerën dhe ekranin e smartphone-it, objektivi përfundimtar është që të ketë vetëm një pajisje që i sundon të gjithë.

“Ne të gjithë duam syze ose lente kontakti të cilat duken dhe ndihen normale, por le të vendosim të gjitha llojet e informacionit dhe objektet dixhitale në krye të botës reale.”

Për të qenë më të qartë, Zuckerberg nuk po thotë që Facebook është duke ndërtuar një palë syze ose kontakte menjëherë pasi ajo do kohë që të realizohet. Facebook nuk është e vetmja kompani që po eksploron syzet AR. Apple, Google, Microsoft, Snap dhe startup-i Magic Leap janë të përqendruar që të gjithë në zhvillimin e produkteve të ngjashme.

Por të gjithë kanë të njëjtin qëllim: të eliminojnë ekranet nga jeta juaj dhe t’iu jap një pajisje për të parë çdo gjë.

Burimi: businessinsider.com