Kompania e prodhimeve automobile "Adient" hap fabrikë në Maqedoni - Business Magazine Albania

Kompania e prodhimeve automobile “Adient” hap fabrikë në Maqedoni


Përfaqësuesi i Adient, Telpik tha se kjo është fabrika më e madhe dhe më e sofistikuar në rajon, një investim që i kalon 20 milionë $ dhe që do të punësojë më shumë se 1300 persona, që konfirmon angazhimin e kompanisë për të investuar në ekonominë maqedonase.

“Një vit më parë ne njoftuam ndërtimin e fabrikës tonë dhe sot po qëndrojmë përpara saj. Ky investim është një tjetër provë e qartë e synimeve tona për të investuar në Maqedoni dhe një hap i rëndësishëm në zgjerimin e rrjetit tonë në Europë, duke ofruar produkte të ndryshme të bazuara në cilësi, teknologji dhe rezultat për klientët tanë”, shtoi Teplik.

Adient ka 230 fabrika në 33 shtete, duke punësuar rreth 75 mijë punonjës në gjithë botën.

Adient

Adient është njësia e prodhimit të sediljve të ‘Johnson Controls’, sipërmarrjes amerikane që prodhon pjesë për makina. Johnson Controls ka hapur fabrikë në Maqedoni për prodhimin e katalizatorëve disa vite më parë dhe sot është kompania më e madhe në shtetin fqinjë, me qarkullim vjetor 1 miliardë €(trefishi i xhiros së kompanisë më të madhe në Shqipëri), që janë tërësisht eksporte. Johnson Controls ka tentuar të hapë fabrikë edhe në Shqipëri, por nuk e pa me interes vendin tonë dhe më pas vendosi që të zgjerohej po në Maqedoni, përmes investimit të Adient.

Në Tetor të vitit 2016, kompania amerikane mëmë ‘Johnson Controls’ njoftoi se departamenti i saj i sedijeve Adient do të dilte më vete, si pjesë e një strategjie multi industriale në funksion të objektivit të saj për të forcuar pozicionin e saj si lider në botë.

Ndarja e Adient vjen pas përfundimit të bashkimit të Johnson Controls me Tyco më 2 Shtator 2016, i cili krijoi një kompani të kombinuar prej 30 miliardë $ të ardhura.

Burimi: monitor.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0