Kjo është një këshillë që Luis von Ahn, CEO dhe themelues i aplikacionit për mësimin e gjuhëve të huaja Duolingo, ndjek.
Ai takohet me çdo person të intervistuar në kompaninë e tij, e cila aktualisht ka të punësuar rreth 70 vetë. “Këshilla më e mirë e punësimit që kam marrë është: Kur keni dyshime për dikë, mos e punësoni atë,” – thotë ai – Është shumë e zakonshme që ne të jemi në dyshim,” vazhdon von Ahn, i cili shpjegon pse ekipi i Duolingo mbetet kaq i pakët.
Von Ahn tregon se vlera e këshillave bëhet akoma më e qartë sa herë që nuk merret parasysh. “Herë pas here ne nuk e ndjekim atë, sepse mendojmë se kemi nevojë që ai pozicion të zihet”, thotë ai. “Ne kemi kërkuar për këtë pozicion të veçantë për muaj me radhë. Ne e dimë që personi që po intervistojmë nuk na e mbush mendjen por kemi nevojë që ai pozicion të plotësohet. Çdo herë që ne i jemi nënshtruar kësaj, ka qenë një gabim.”
Punësimi i një përshtatjeje të keqe është pothuajse gjithmonë një gabim i kushtueshëm dhe harxhim kohe për çdo kompani. Një studim i Shoqatës për Menaxhimin e Burimeve Njerëzore zbuloi se 41% e menaxherëve të punësimit vlerësojnë se punësimi i personit të gabuar i kushton kompanisë mijëra dollarë.
“Ju shpenzoni gjithë këto përpjekje në biznesin tuaj dhe pastaj disa muaj më vonë gjërat nuk funksionojnë,” thotë von Ahn. “Dhe gjërat zakonisht nuk funksionojnë kur ju e dinit se ishte një problem. Ju e dinit se ndoshta ata do të ishin paksa të ngadaltë dhe në fund ju rezulton se ishin vërtetë shumë të ngadaltë. Ose ndoshta ata duken se nuk janë shumë të sjellshëm dhe në fund rezulton se ata vërtet nuk janë të sjellshëm.”
burimi: BusinessInsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
