Ja cila kompani ajrore është vlerësuar si më e mira në Europë - Business Magazine Albania

Ja cila kompani ajrore është vlerësuar si më e mira në Europë


“Lufthansa” është përzgjedhur si “linja më e mirë ajrore në Europë” në hulumtimin e Institutit për hulumtimin e tregut “Skytrax”, e specializuar në aviacion. Janë përfshirë në anketë rreth 18 milionë pasagjerë, nga 160 vende.

Udhëtarët nga e gjithë bota kanë mbështetur transportuesin gjerman, duke vlerësuar shërbimet e ofruara nga “Lufthansa”.

“Vlerësimi nga “Skytrax” është dëshmi se pasagjerët e “Lufthansa”-s e respektojnë cilësinë tonë. Kombinimi i shërbimit të klasit të parë dhe kapacitetet e shkëlqyera kanë impresionuar pasagjerët në mbarë botën që të bëhemi numër një në Europë. Shërbimet tona nuk kanë qenë kurrë më të mira”, tha Carsten, kryetar i Bordit Ekzekutiv dhe CEO i “Deutsche Lufthansa AG”.

Pas marrjes së çmimit, ai tha se kjo ndodh në sajë të angazhimit të veçantë të stafit të “Lufthansa”-s, të cilët me punën e tyre të shkëlqyer kanë bërë të mundshëm këtë sukses.

Lexoni: Lufthansa mbështet risitë dhe lejon shitjen e biletave të avionit nëpërmjet kanaleve dixhitale të palëve të treta

“Lufthansa” ka fituar edhe si “linja ajrore më e mirë në Europën Perëndimore” dhe çmimin për “ushqimin më të mirë në klasin e parë”, albinfo.ch.

Të nominuar për çmimin në kategorinë “linjë ajrore më e mirë në Europën Perëndimore” ishin “Lufthansa”, “Swiss” dhe “Austrian Airlines”. Kjo e fundit fitoi çmimin si “linja ajrore me stafin më të mirë në Europë”.

Sondazhi i “Skytrax” ka vlerësuar shërbimet në bord dhe shërbimet në aeroporte. “Skytrax” realizon sondazhe të këtilla që nga 1999-a.

burimi: Insajderi

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0