Ky projekt synon të identifikojë sipërmarrës të rinj në Kosovë, të cilëve u ofrohet përkrahje, trajnime, mentorim dhe mbështetje financiare fillestare përmes granteve nga donatorë dhe filantroë për idetë e tyre të biznesit. Idetë fituese mund të përfitojnë grante në vlerë prej 5,000 € në nivel vendi dhe 10,000 $ në nivel rajonal.
Objektivi kryesor i këtij projekti është identifikimi dhe mbështetja e biznes planeve që kanë potencial të lartë për sukses, ndikojnë në mënyrë të ndjeshme në zhvillimet sociale, mjedisore dhe ekonomike të një komuniteti të veçantë, apo një grupi më të gjerë komuniteti, me synimin final të realizimit të një zhvillimi të qëndrueshëm të biznesit në vend.
Një ndër sfidat më të mëdha për ekonomitë e sotme mbetet gjetja e formave të reja dhe inovative të organizimit dhe angazhimit të komuniteteve lokale me qëllim sigurimin e zhvillimit të qëndrueshëm, reduktimin e impaktit negativ në mjedis duke realizuar për rrjedhojë një shpërndarje më të drejtë të përfitimeve.
Në këtë kuadër gjykohet se, idetë dhe ekonomia e gjelbërt luajnë një rol pozitiv në motivimin, identifikimin dhe mobilizimin e burimeve me qëllim adresimin në mënyrë strategjike të çështjeve, që kanë të bëjnë me përtëritjen e mënyrave tradicionale të prodhimit dhe zhvillimit të tregjeve lokale.
Afati për aplikim është deri në datën 10 Qershor dhe aplikimi mund të bëhet online në: www.fiqgrante.com.
Komisioni Përzgjedhës do të përzgjedhë tre idetë më të mira, të cilat do të konkurojnë në forumin “Zhvillimi i Filantropisë në Ballkanin Perëndimor 2017”, konkurs rajonal i organizuar nga “Fondacioni i Vëllezërve Rockefeller” në Korrik 2017.
burimi: Telegrafi
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
