Përditësuar së fundmi: 11/05/2017

“FuckUp Nights”: Si mund të bëhet dështimi një forcë motivuese?

nga Fiorela Jaupi
Maj 11, 2017
Studied at Faculty of Economy, Master of Science in Marketing. Content Editor at Business Magazine Albania
lexo me teper >

“FuckUp Nights” është një seri eventesh mujore që realizohet në të gjithë botën, ku njerëzit flasin për dështimet më të mëdha profesionale ose falimentimet e bizneseve të tyre. Në “FuckUp Night” tregohen histori dështimi por edhe festohet.

Eventi i parë i “FuckUp Night” është realizuar në qytetin e Meksikës, në Shtator të vitit 2012. Që prej asaj kohe, çdo muaj organizohet 1 event për të pirë së bashku dhe për të rrëfyer tri historitë e dështimit. Në çdo “FuckUp Night” 2 ose 3 të ftuar rrëfejnë historinë e tyre të dështimit:

• Për çfarë kishte të bënte projekti i tyre?
• Ku gabuan në këtë projekt?
• Çfarë mësuan prej dështimit?
• Çfarë do të kishin bërë ndryshe?

Qëllimi i tij

  • Dështimi ta shpif por të udhëzon.
  • Dikush mund të mësojë më shumë nga historitë e dështimit sesa nga historitë e suksesit.
  • Për shkak se shumica e profesionistëve nuk e krijojnë “projektin e vitit” në përpjekjen e tyre të parë.
  • Njerëzit ndiejnë nevojën për t’u çliruar nga stigmat që rrethojnë “dështimin”.
  • Komunikimi i dështimit është një hap pozitiv që të gjithë duhet ta kapërcejnë në rrugën drejt suksesit.

Folësit mund të jenë nga fusha të ndryshme: artist, arkitekt, persona në fushën e teknologjisë, të mjedisit, sociale, madje dhe një doktor, i cili para disa vitesh kishte hapur një shtëpi publike që falimentoi. Secili tregon historinë e tij me 10 imazhe, e demostron atë në 40 sekonda dhe në fund të çdo historie audienca bën pyetje.

Eventi organizohet nga Protik Innovation Center, Regional Development dhe partnerë të tjerë, ditën e Shtunë, 13 Maj, ora 7:00 PM, tek Piramida.

Folësit e edicionit të parë:

Dasara Karaiskaj, Gazetare, @da’SARA
Dr. Enriko Ceko, Kreu i departamentit të marketingut në @Professional Business Academy
Arjeta Dhima, Regjizore/Aktore në @iACT Studio
Redi Neziri, CTO/ Shefi i Inxhinierëve në @Top Channel

Evente

Albanian Skills 2017

Maj 26, 2017
ora 08:00 dhe 27 Maj ora 09:00

Samiti Global i PR në Beograd

Qershor 1, 2017
9 AM - 5 PM

Innovate your way out 2017!

Qershor 2, 2017
10 AM - 2 PM

SAMITI GLOBAL I GRUAS

Qershor 3, 2017
9 AM/6PM

Doing Business 2017

Shtator 28, 2017
në orën 09:00 - 29 Shtator Sep 29 në orën 20:00