Në kuadër të Javës së Inovacionit, Ministrja e Shtetit Për Inovacionin dhe Administratën Publike, Znj.Milena Harito, ka kënaqësinë t’iu ftojë në Panairin e Parë Rajonal të Startup në Shqipëri, në datat 14-15-16 Maj 2017.
Ky aktivitet gjithë përfshirës synon njohjen me idetë dhe produktet novatore që vijnë në treg nga të rinjtë shqiptarë dhe kosovarë.
Panairi i Startup është një hapësirë fizike që bën bashkë startup-e të ndryshme, liderë të industrisë së mendimit, mentorë, edukatorë, njerëz nga komuniteti dhe investitorë për biseda interaktive mbi tema sipërmarrëse. Qëllimi i panairit është t’i japë komunitetit frymë startup-i falë bashkëpunimit me organizata dhe liderët e mendimit duke fituar kështu burime të reja informacioni, ide, frymëzim, forma realizimi, forma bashkëpunimi dhe mundësi implementimi e investimi.
Interesi për të bashkëpunuar me sipërmarrës për zgjidhjen e politikave publike e sfidave të biznesit, është shumë i lartë. Analizimi dhe menaxhimi i të dhënave të startup-eve në mënyrë efektive është një sfidë e madhe, por gjithashtu edhe një hapësirë e mirë mundësish për risitë e reja në biznes.
E Dielë, 14 Maj 2017, ora 17:30 – 20:30
E Hënë, 15 Maj 2017, ora 10:00 – 20:00
E Martë, 16 Maj 2017, ora 10:00 – 14:00
Për të marrë biletat tuaja klikoni Këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
