Panairi i Shkollave dhe Aftësive Profesionale

Ministria e Mirëqenies Sociale dhe Rinisë, në angazhimin e saj institucional për modernizimin dhe rritjen e cilësisë në Arsimin Profesional, organizon edicionin e dytë të “Olimpiadës së Aftësive”. Ky aktivitet 3 ditor, krahas promovimit të shkollave të Arsimit Profesional, do të krijojë hapësira të reja dhe bashkëpunim ndërmjet shkollave dhe aktorëve të sektorit të biznesit.

Çfarë përfaqëson Arsimi dhe Formimi Profesional –AFP?

• Shanse më të mëdha punësimi
• Të rinj të mirëorientuar
• Shkolla moderne
• Partneritet i qëndrueshëm me biznesin
• Ekonomi më e qëndrueshme
• Integrim Evropian i Arsimit Profesional
• Partnerë të denjë në tregun europian dhe global

Institucionet dhe Kategoritë Ekspozuese:

• Shkolla të mesme profesionale publike dhe private
• Shkolla të mesme profesionale nga rajoni
• Qendra të formimit profesional publike dhe private
• Institucione të arsimit të lartë nga vendi dhe rajoni
• Kompani private që ofrojnë mundësinë e praktikave profesionale
• Agjenci punësimi
• Biznese të interesuara për partneritet me AFP-në

Panairi i Shkollave dhe qendrave Profesionale

• Objektivi final i këtij aktiviteti është arritja e një bashkëpunimi midis profesionistëve më të spikatur, duke promovuar ofertën e arsimit profesional si mënyrë për rritjen e ekonomisë dhe punëzënies përmes kualifikimit të burimeve njerëzore.
• Panairi vjen si promovim i arritjeve të deritanishme dhe është në funksion të këshillimit të karrierës për të gjithë maturantët.
• Nxitje dhe motivim të konkurrencës profesionale
• Mundësi për bashkëpunim ndërmjet shkollave dhe biznesit

Bëhuni pjesë e Panairit

Tregu i punës karakterizohet nga një mospërputhje kërkesë dhe ofertë, ku statistikat flasin për një numër të madh ofertash pune që kërkojnë punonjës të specializuar dhe profesionistë, por që kanë mungesë të një praktike profesionale dhe eksperience pune. Strategjia e Ministrisë ka pasur si synim pikërisht amortizimin e kësaj mospërputhjeje dhe aftësimin e të rinjve, duke ndikuar drejtpërdrejt në punësimin e tyre.

Në këtë drejtim, Panairi ju ofron mundësinë:

• Të prezantoni drejtimet profesionale, profilet dhe praktikat e ndryshme të ofruara në Institucionin tuaj.
• Të bashkëpunoni me kompani, të cilat kërkojnë profesionistë dhe mundësojnë kontrata punësimi dhe praktika profesionale.
• Të prezantoni ofertat për punësim në biznesin tuaj duke patur mundësinë të realizohen intervista për vendet vakante direkt në panair.
• Të krijoni marrëdhënie bashkëpunimi me institucionet e AFP-së, me qëllim rekrutimin e nxënësve sipas nevojave të biznesit tuaj për burime njerëzore.

Programi i Panairit, edicioni i dytë nën sloganin “Unë zgjedh Arsimin Profesional”

Gjatë ditëve të Olimpiadës janë planifikuar konferenca, tryeza të rrumbullakëta me grupet e interesit dhe konkurse në profile të ndryshme profesionale, të cilat do të prezantojnë modelet më të suksesshme në sistemin e AFP-së dhe njëkohësisht do të vlerësojnë ekselencën dhe rezultatet e arritura. Drejtimet kryesore të përzgjedhura për këtë edicion të dytë të konkursit janë:

• Bujqësi (Kopshtari)
• Teknologji Informacioni dhe komunikimi (TIK)
• Elektroteknikë (instalime civile dhe industriale)
• Hoteleri-Turizëm
• Rrobaqepësi
• Ndërtim
• Përpunim Druri
• Termohidraulikë

Paketa bazë për Ekspozuesit

• Tarifa për pjesëmarrje: 80 €/m² (Çmimi është pa TVSH)
• Hapësira ekspozuese në panair
• Katalogu “Guida e Shkollave dhe Aftësive Profesionale ”
• Stenda me emrin e kompanisë në hyrje dhe me panelet ndarëse
• Moket, 1 tavolinë dhe 2 karrige
• Ndriçimi i stendës dhe sigurimi i energjisë elektrike
• Rrjeti Wi-Fi në ambjentet e Expo City
• Publikim katalogu, i cili do të përmbajë të gjithë informacionin e nevojshëm për plesmarrësit në panair.
• Organizimi i konferencave, prezantimeve & workshop-e mbi temën e panairit.

• Qëllimi: Arsim dhe Formim Profesional më cilësor, më pranë biznesit
• Kur ? Në datat 27 – 29 Prill
• Ku ? Expo City – Pranë CityPark