AIESEC në Shqipëri organizon edicionin e tretë të eventit YouthSpeak Forum, i cili këtë rradhë do të zhvillohet me datë 6 Maj në Ministrinë e Punëve të Jashtme, me temë kryesore “Punë dinjitoze dhe rritje ekonomike”. Forumi synon të mbledhi bashkë të rinjtë dhe drejtues nga sektorë të ndryshëm të shoqërisë, për t’i njohur dhe ndërgjegjësuar në lidhje më Objektivat e Zhvillimit të Qëndrueshëm të Kombeve të Bashkuara.
YouthSpeak Forum mbështetet në tre shtylla kryesore: Frymëzo, Angazhohu dhe Vepro.
Gjatë pjesës së parë, Frymëzo, delegatët do të kenë mundësi të dëgjojnë fjalime inspiruese nga njerëz të suksesshëm dhe të kuptojnë rolin e tyre për krijimin e një të ardhme të qëndrueshme në Shqipëri.
Angazhohu, do t’u japë mundësinë delegatëve që gjatë punës në grup dhe workshop-eve të tregojnë se ata janë liderat e ardhshëm të këtij vendi. Do të jetë një mundësi për të zgjeruar rrjetin e tyre duke u njohur me partnerët dhe mundësitë që ata ofrojnë, si dhe të fitojnë internship-e.
Vepro, që do të jetë dhe finalizimi i eventi, konsiston në ndërmarrja e hapave konkretë për krijimin e një iniciative. Në këtë fazë do të ketë vetëm një grup fitues, iniciativa e të cilit do të realizohet me ndihmën e AIESEC në Shqipëri.
Për më shumë informacione, ju lutem vizitoni këtë link.
Për të aplikuar, klikoni në këtë link.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
